ທ່ານນາຍົກລັດຖະມົນຕີ ກຳປູເຈຍ ສົມເດັດ ຮຸນແຊນ
ແລະ ທ່ານປະທານປະເທດຫວຽດນາມ ເຈືອງເຕີນຊາງ
ພາບ:TTXVN
|
(vovworld)- ເນື່ອງໃນໂອກາດຢ້ຽມຢາມ ກຳປູເຈຍ ທາງລັດຖະກິດ ຂອງຄະນະຜູ້ແທນຂັ້ນສູງຫວຽດນາມ ໂດຍທ່ານປະທານປະເທດ ເຈືອງເຕີນຊາງ ນຳຫນ້າ, ຫນັງສືພິມ “Rexmay ກຳປູເຈຍ” ແປວ່າແສງສະຫວ່າງກຳປູເຈຍ ສະບັບອອກວັນທີ 23/12 ໄດ້ລົງພິມບົດຂຽນທີ່ມີຫົວຂໍ້ວ່າ: “ນຳການພົວພັນລະຫວ່າງຫວຽດນາມ-ກຳປູເຈຍຂຶ້ນສູ່ລະດັບສູງໃຫມ່”. ບົດຂຽນໄດ້ເນັ້ນຫນັກວ່າ: ໃນຕະຫລອດໄລຍະປະຫວັດສາດ, ກຳປູເຈຍ ແລະ ຫວຽດນາມ ໄດ້ຮຽງບ່າຮຽງໄຫລ່, ສາມັກຄີ, ຮ່ວມມື, ແບ່ງທຸກແບ່ງສຸກນຳກັນ, ຊ່ວຍເຫລືອເຊິ່ງກັນ ແລະ ກັນໃນບັນດາການຕໍ່ຕ້ານເພື່ອເອກະລາດແຫ່ງຊາດຂອງແຕ່ລະປະເທດກໍຄືໃນພາລະກິດສ້າງສາປະເທດຊາດປະຈຸບັນ. ສອງຝ່າຍລ້ວນແຕ່ມີຄວາມເອກອ້າງທະນົງໃຈເພີ່ມພູນຄູນສ້າງ ແລະ ພັດທະນາການພົວພັນສອງຝ່າຍໃນຫລາຍຂົງເຂດ, ປະກອບສ່ວນເຂົ້າໃນການພັດທະນາລວມຂອງສອງປະເທດ. ປະຈຸບັນ ຫວຽດນາມ ມີ 126 ໂຄງການລົງທຶນຢູ່ ກຳປູເຈຍ ດ້ວຍຍອດທຶນຈົດທະບຽນກວ່າ 3 ຕື້ USD ແລະ ສຸມໃສ່ໃນຂົງເຂດປູກຕົ້ນໄມ້ອຸດສາຫະກຳ, ຂຸດຄົ້ນບໍ່ແຮ່, ສຳຫລວດ, ຊອກຫາ ແລະ ດຳເນີນທຸລະກິດຜະລິດຕະພັນນ້ຳມັນອາຍແກສ, ພັດທະນາແຫລ່ງໄຟຟ້າ, ໂທລະຄົມມະນາຄົມ, ທະນາຄານ, ການເງິນ. ນັກລົງທຶນຫວຽດນາມຫລາຍທ່ານ ບໍ່ພຽງແຕ່ດຳເນີນທຸລະກິດສຳເລັດຜົນຢູ່ ກຳປູເຈຍ ເທົ່ານັ້ນ ຫາກຍັງຊ່ວຍປັບປຸງຊີວິດການເປັນຢູ່ ແລະ ສ້າງວຽກເຮັດງານທຳໃຫ້ປະຊາຊົນປະຈຳຖິ່ນອີກດ້ວຍ, ປະກອບສ່ວນເຂົ້າໃນວຽກງານຫລຸດຜ່ອນຄວາມອຶດຫິວທຸກຍາກຢູ່ ກຳປູເຈຍ. ຍາມໃດສອງປະເທດກໍສົມທົບນຳກັນຢ່າງແຫນ້ນແຟ້ນ, ຕັ້ງຫນ້າ ແລກປ່ຽນຂໍ້ມູນຂ່າວສານ, ແກ້ໄຂບັນດາກໍລະນີເກີດຂຶ້ນຢູ່ເຂດຊາຍແດນຢ່າງເປັນດີ, ຮັກສາການລາດຕະເວັນບົນທະເລ, ຮ່ວມມືຢ່າງແຫນ້ນແຟ້ນໃນການຊອກຫາ, ສົ່ງອັດຖິທະຫານອາສາສະໝັກຫວຽດນາມ ທີ່ຖືກເສຍສະຫລະຊີວິດໃນປາງສົງຄາມຢູ່ ກຳປູເຈຍ ກັບຄືນເມືອປະເທດ. ບົດຫນັງສືພິມໄດ້ຄັດສະເຫນີຄຳຢືນຢັນຂອງ ພະບາດສົມເດັດ ພະບໍລົມມະນຽດໂນໂຣດົມ ສີຫາໂມນີວ່າ: “ປະຊາຊົນຫວຽດນາມ ແມ່ນເພື່ອນທີ່ໄວ້ເນື້ອເຊື່ອໃຈຂອງປະຊາຊົນ ກຳປູເຈຍ. ກຳປູເຈຍ ຈະສືບຕໍ່ເພີ່ມພູນຄູນສ້າງໃຫ້ແກ່ການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຮອບດ້ານບ້ານໃກ້ເຮືອນຄຽງອັນດີງາມລະຫວ່າງຫວຽດນາມ ແລະ ກຳປູເຈຍ.