ທ່ານ ຮ່ວາງບີງກວນ ຫົວໜ້າຄະນະພົວພັນຕ່າງປະເທດສູນກາງ
(vovworld) – ເມື່ອຕອບສຳພາດຕໍ່ນັກຂ່າວກ່ອນທີ່ການຢ້ຽມຢາມສັນຖະວະໄມຕີ ລາວ ຢ່າງເປັນທາງການຂອງທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູ໋ຈ້ອງ, ທ່ານ ຮ່ວາງບີງກວນ ຫົວໜ້າຄະນະພົວພັນຕ່າງປະເທດສູນກາງເນັ້ນໜັກວ່າ: ການພົວພັນ ຫວຽດນາມ - ລາວ ແມ່ນການພົວພັນສາມັກຄີແບບພິເສດ. ນີ້ແມ່ນການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ, ການຮ່ວມມືຮອບດ້ານ ແລະ ແມ່ນຊັບສົມບັດລວມອັນລ້ຳຄ່າຂອງ 2 ຊາດ, ແມ່ນປັດໃຈຮັບປະກັນໄຊຊະນະຂອງພາລະກິດສ້າງສາ ແລະ ປົກປັກຮັກສາປະເທດຊາດຂອງແຕ່ລະປະເທດ, ປະກອບສ່ວນປັບປຸງສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ອາຊີຕາເວັນອອກສ່ຽງໃຕ້ ແລະ ໃນໂລກ. ທ່ານ ຮ່ວາງບີງກວນ ເນັ້ນໜັກວ່າ: ການຢ້ຽມຢາ ລາວ ແມ່ນການຢ້ຽມຢາມຕ່າງປະເທດຄັ້ງທຳອິດຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ໃນອາຍຸການກອງປະຊຸມໃຫຍ່ຄັ້ງທິ 12. ເລື່ອງທ່ານເລຂາທິການໃຫຍ່ພັກກອມມູນິດ ຫວຽດນາມ ເລືອກເຟັ້ນ ລາວ ເປັນປະເທດທຳອິດໄປຢ້ຽມຢາມ ແມ່ນສະແດງໃຫ້ເຫັນວ່າ ພັກ ແລະ ລັດ ຫວຽດນາມຖືການພົວພັນສາມັກຄີແບບພິເສດ ຫວຽດນາມ - ລາວ ເປັນສຳຄັນທີ່ສຸດ. ນີ້ແມ່ນໂອກາດ ເພື່ອໃຫ້ການນຳສູງສຸດຂອງ 2 ພັກ, 2 ລັດແລກປ່ຽນ, ເຫັນດີເປັນເອກະພາບບັນດາທິດທາງໃຫຍ່ກ່ຽວກັບການຮ່ວມມືໃຫ້ທັງອະຍຸການ, ກຳນົດບັນດາຈຸດສຸມໃນການຮ່ວມມື ເພື່ອແນໃສ່ນຳການພົວພັນແບບພິເສດ ຫວຽດນາມ - ລາວ ໃຫ້ນັບມື້ນັບເຂົ້າສູ່ລວງເລິກ, ມີຄຸນນະພາບ ແລະ ມີປະສິດທິຜົນ. ໃນການຢ້ຽມຢາມຄັ້ງນີ້ ທ່ານເລຂາທິການໃຫຍ່ ຫງວຽນຟູຈ້ອງ ຈະມີບັນດາການເຈລະຈາສຳຄັນກັບເລຂາທິການໃຫຍ່, ປະທານປະເທດ ລາວ; ພົບປະກັບຜູ້ນຳອື່ນໆຂອງລາວ…ເນື່ອງໃນໂອກາດນີ້ 2 ຝ່າຍຈະລົງນາມໃນເອກະສານຮ່ວມມືລະຫວ່າ 2 ພັກ, 2 ລັດ ຫລາຍສະບັບ.