ການຖະແຫຼງຂ່າວ (ພາບ: qdnd.vn)

ການນຳຂອງວິສາຫະກິດກ່ວາ 100 ແຫ່ງທີ່ມາຈາກ 27 ປະເທດ EU ແລະ ສະມາຄົມວິສາຫະກິດ ເອີລົບ ປະຈຳ ຫວຽດນາມ (EuroCham), ຈະຊອກຮູ້ ແລະ ແບ່ງປັນໂອກາດລົງທຶນຂົງເຂດອຸດສາຫະກຳ, ການຄ້າ, ກະສິກຳເຕັກໂນໂລຢີສູງ, ເສດຖະກິດສີຂຽວ, ເສດຖະກິດໝູນວຽນຢູ່ ບິ່ງເຟືອກ. ນີ້ແມ່ນຂໍ້ມູນທີ່ໄດ້ຮັບການປະກາດທີ່ການຖະແຫຼງຂ່າວ ກ່ຽວກັບ “ເວທີປາໄສເຊື່ອມຕໍ່ວິສາຫະກິດ ອຸດສາຫະກຳ, ການຄ້າ ແລະ ກະສິກຳ ເຕັກໂນໂລຢີສູງ EuroCham - ບິ່ງເຟືອກ ປີ 2024” ທີ່ໄດ້ດຳເນີນໃນວັນທີ 29 ກຸມພາ ຢູ່ແຂວງ ບິ່ງເຟືອກ.

ຕາມນັ້ນແລ້ວ, “ເວທີປາໄສເຊື່ອມຕໍ່ວິສາຫະກິດອຸດສາຫະກຳ, ການຄ້າ, ກະສິກຳ ເຕັກໂນໂລຢີສູງ EuroCham - ແຂວງ ບິ່ງເຟືອກ ປີ 2024” ໄດ້ດຳເນີນໃນວັນທີ 12 ມີນາ ຢູ່ນະຄອນ ດົ່ງຊວາຍ, ແຂວງ ບິ່ງເຟືອກ. ໃນໂອກາດນີ້, ບັນດາກຸ່ມບໍລິສັດໃຫຍ່ຂອງເອີລົບ ແລະ ວິສາຫະກິດມາຈາກ ສະມາຄົມວິສາຫະກິດ ອົດສະຕາລີ ຢູ່ ຫວຽດນາມ(AusCham)  ຈະມາຊອກຮູ້ ໂອກາດລົງທຶນ ຢູ່ທ້ອງຖິ່ນ. ເວທີປາໄສຈະເປີດໂອກາດໃຫ້ແກ່ບັນດາວິສາຫະກິດເອີລົບ ໄດ້ຮັບບຸລິມະສິດເຂົ້າເຖິງ ຂໍ້ມູນ, ສະພາບການເສດຖະກິດໃນເຂດ, ບັນດາໂຄງການພັດທະນາໃນໄລຍະຈະມາເຖິງ ແລະ ຄວາມສາມາດບົ່ມຊ້ອນໃນການເຕີບໂຕ.