ຜູ້ຕາງໜ້າຄະນະຈັດຕັ້ງລາຍການຮັບ ເງິນອຸດໜຸນຂອງບັນດານັກອຸປະຖຳ (ພາບ: TTXVN)

ກ່າວຄຳເຫັນທີ່ການພົບປະ, ທ່ານ ຫງວຽນຮ່ວາບິ່ງ, ປະທານສານປະຊາຊົນສູງສຸດ ຫວຽດນາມ ໄດ້ເນັ້ນໜັກວ່າ ລາຍການ “ບຸນເຕັດແຫ່ງການເຕົ້າໂຮມ” ເປັນການສະແດງໃຫ້ເຫັນຄວາມເອົາໃຈໃສ່ເບິ່ງແຍງດູແລ ຂອງ ອົງການຈັດຕັ້ງກຳມະບານທີ່ມີຕໍ່ກຳມະກອນ, ຊາວຜູ້ອອກແຮງງານທີ່ປະສົບກັບຄວາມຫຍຸ້ງຍາກ ເນື່ອງໃນໂອກາດບຸນເຕັດວຽນມາເພື່ອໃຫ້ ກຳມະກອນ, ຊາວຜູ້ອອກແຮງງານ ແຕ່ລະຄົນລ້ວນແຕ່ໄດ້ຕ້ອນຮັບມີບຸນເຕັດທີ່ອົບອຸ່ນ, ມີຄວາມເບີກບານມ່ວນຊື່ນ ແລະ ມີຄວາມຜາສຸກ.

        ແລະກໍ່ໃນວັນດຽວກັນ, ສະມາຄົມນັກຂ່າວ ຫວຽດນາມ ໄດ້ສົມທົບກັບວິທະຍຸກະຈາຍສຽງ ຫວຽດນາມ ຈັດຕັ້ງລາຍການ “ນຳເອົາລະດູບານໃໝ່ມາໃຫ້ນ້ອງ” ຄັ້ງທີ 3, ຢູ່ໂຮງລະຄອນວິທະຍຸກະຈາຍສຽງ ຫວຽດນາມ ເຮືອນເລກທີ 58 ຖະໜົນກ໊ວານຊື໊, ຮ່າໂນ້ຍ, ດ້ວຍຫົວຂໍ້ວ່າ “ລະດູບານໃໝ່ຢູ່ເຂດຊາຍແດນ - ຕໍ່ກໍາລັງແຮງຊ່ວຍເຫຼືອພວກນ້ອງໄປໂຮງຮຽນ”. ລາຍການແມ່ນເປັນການແບ່ງປັນ, ຕໍ່ກໍາລັງແຮງຊ່ວຍເຫຼືອພວກນ້ອງໆນັກຮຽນຢູ່ເມືອງຊາຍແດນຂອງບັນດາແຂວງທາງພາກກາງຄື ແທັງຮ໊ວາ, ເງະອານ, ຮ່າຕິງ…ໄດ້ໄປໂຮງຮຽນ.

        ຕອນບ່າຍວັນທີ 8 ມັງກອນ, ສະພາປົກປ້ອງ - ກອງທຶນປົກປ້ອງ ເດັກນ້ອຍແຂວງບິ່ງເຢືອງໄດ້ຈັດຕັ້ງລາຍການ “ລະດູບານໃໝ່ກັບ ເດັກນ້ອຍທີ່ປະສົບກັບຄວາມຫຍຸ້ງຍາກ” ຢູ່ແຂວງບິ່ງເຢືອງຄັ້ງທີ XIII ປີ 2020. ໃນໂອກາດນີ້, ບັນດາຜູ້ໃຈບຸນ, ໃຈກຸສົນ, ວິສາຫະກິດ ຢູ່ ແຂວງບິ່ງເຢືອງໄດ້ມອບເງິນ 6,7 ຕື້ດົ່ງໃຫ້ແກ່ກອງທຶນປົກປ້ອງ ເດັກນ້ອຍ ແຂວງບິ່ງເຢືອງ ເພື່ອແນໃສ່ປະກອບສ່ວນຊ່ວຍເຫຼືອເດັກນ້ອຍດ້ອຍໂອກາດ ໄດ້ຕ້ອນຮັບບຸນເຕັດ ແລະ ມີເງື່ອນໄຂຮ່ຳຮຽນທີ່ດີກ່ວາອີກໃນໄລຍະຈະມາເຖິງ.