ບັນດາການເຄື່ອນໄຫວຕົວຈິງສະເຫຼີມສະຫຼອງວັນແມ່ຍິງສາກົນ 8/3
ພາບປະກອບ
(vovworrld) - ເນື່ອງໃນໂອກາດວັນແມ່ຍິງສາກົນ, ວັນທີ 6/3, ມະຫາວິທະຍາໄລແຫ່ງຊາດ ຮ່າໂນ້ຍ ໄດ້ຈັດຕັ້ງພິທີມອບລາງວັນໃຫ້ແກ່ພະນັກງານຍິງ 8 ຄົນ, ຜູ້ມີຜົນງານດີເດັ່ນໃນການຄົ້ນຄວ້າວິທະຍາສາດ.
ວັນທີ 6/3, ສະຫະພັນແມ່ຍິງນະຄອນ ດາໜັງ ໄດ້ຈັດຕັ້ງພິທີມອບລາງວັນໃຫ້ແກ່ສະມາຄົມແມ່ຍິງ 10 ແຫ່ງທີ່ດີເດັ່ນປີ 2013 ແລະ ປຸກລະດົມຂະບວນການແຂ່ງຂັນປີ 2014. ໃນວັນດຽວກັນ, ຄະນະກຳມະການປະຊາຊົນນະຄອນ ຫານຟ່ອງ ມອບລາງວັນ ເລເຈີນ ໃຫ້ແກ່ແມ່ຍິງທີ່ດີເດັ່ນ ແລະ ໄດ້ຮັບນາມມະຍົດແມ່ຍິງ, ພະນັກງານສະມາຄົມແມ່ຍິງຂັ້ນພື້ນຖານທີ່ດີເດັ່ນປີ 2013 ລວມມີ 7 ຄົນ.
ເນື່ອງໃນໂອກາດນີ້, ເມື່ອຕອບສຳພາດນັກຂ່າວວິທະຍຸກະຈ່າຍສຽງ ຫວຽດນາມ, ທ່ານນາງ ບຸຍທິຮວ່າ, ຮອງປະທານສະຫະພັນແມ່ຍິງ ຫວຽດນາມ ໃຫ້ຮູ້ວ່າ:
“ ປີ 2014, ພວກຂ້າພະເຈົ້າສຸມໃສ່ຍົກສຸງຄຸນນະພາບການຈັດຕັ້ງສະມາຄົມຂັ້ນຮາກຖານ, ພ້ອມທັງຍູ້ແຮງການຂົນຂວາຍຄອບຄົວປະກອບສ່ວນເຂົ້າໃນການຂົນຂວາຍສ້າງຊົນນະບົດໃໝ່ ແລະ ສ້າງນະຄອນສີວິໄລ. ການຂົນຂວາຍດັ່ງກ່າວໄດ້ຜັນຂະຫຍາຍເປັນຫຼາຍປີມານີ້ແຕ່ວ່າມາຮອດປີ 2014 ຈະມີມາດຕາການທີ່ແທດຈິງ, ຜັນຂະຫຍາຍຢູ່ຂັ້ນຮາກຖານດີກວ່າເພື່ອໃຫ້ການຂົນຂວາຍນີ້ກາຍເປັນການເຄື່ອນໄຫວທະລຸລົງ ແລະ ເຕົ້າໂຮມໄດ້ແມ່ຍິງເຂົ້າຮ່ວມຢ່າງຫຼວງຫຼາຍ, ແກ້ໄຂໄດ້ບັນດາບັນຫາທີ່ແມ່ຍິງວາງອອກຢູ່ຂັ້ນຮາກຖານຖານ. ພວກຂ້າພະເຈົ້າກໍ່ຈະສຸມໃສ່ການຕິດຕາມກວດກາ, ສັງເກດຕີລາຄາສັງຄົມ ແລະ ເຂົ້າຮ່ວມປະກອບສ່ວນກໍ່ສ້າງພັກ, ກໍ່ສ້າງອຳນາດການປົກຄອງ.”