ການເຄື່ອນໄຫວສະເຫຼີມສະຫຼອງວັນຊາດ 2/9 ຢູ່ຍີ່ປຸ່ນ
(vovworld) - ຕອນຄຳ່ວັນທີ 1/9, ສະຖານທູດ ຫວຽດນາມປະຈຳ ຈີນໄດ້ຈັດຕັ້ງພິທີ ສະເຫຼີມສະຫຼອງວັນຊາດ 2/9. ກ່າວຄວາມເຫັນນະພິທີ, ທ່ານເອກອັກຄະລັດຖະທູດ ດັ້ງມິງຄອຍ ເນັ້ນໜັກວ່າ, ຈິດໃຈເອກະລາດແຫ່ງຊາດ, ຄວາມຮັກຫອມສັນຕິພາບຂອງຊາດໃນຕະຫຼອດ 71 ປີຜ່ານມາຍັງຄົງໄດ້ຮັບການເສີມຂະຫຍາຍໃນພາລະກິດແຫ່ງການປ່ຽນໃໝ່ ແລະ ພັດທະນາປະເທດຊາດ, ຍາດໄດ້ບັນດາໄຊຊະນະອັນໃຫຍ່ຫຼວງ ແລະ ມີຄວາມໝາຍປະຫວັດສາດ.
ແລະກໍ່ໃນຕອນຄຳ່ວັນທີ 1/9, ສະຖານທູດ ຫວຽດນາມປະຈຳ ລາຊະອານາຈັກ ກຳປູເຈຍ ໄດ້ຈັດຕັ້ງງານລ້ຽງບັນດາແຂກຜູ້ມີກຽດສາກົນຢ່າງສົມກຽດ, ເນື່ອງໃນໂອກາດ ສະເຫຼີມສະຫຼອງ 71 ປີ ແຫ່ງວັນການປະຕິວັດເດືອນ 8 ແລະ ວັນຊາດ 2/9. ເຂົ້າຮ່ວມ ແລະ ກ່າວຄວາມເຫັນນະພິທີ, ທ່ານລັດຖະມົນຕີການຕ່າງປະເທດ ກຳປູເຈຍ Prak Sokhonn, ອວຍພອນການນຳ ແລະ ປະຊາຊົນ ຫວຽດນາມເນື່ອງໃນໂອກາດວັນຊາດທີ 2/9, ພ້ອມທັງສະແດງຄວາມຫວັງວ່າ, ການພົວພັນມິດຕະພາບ, ການຮ່ວມມືອັນດີງາມ ແລະ ຍາວນານລະຫວ່າງສອງປະເທດຈະສືບຄໍ່ໄດ້ຮັບການຮັກສາໄວ້ ແລະ ປັຍປຸງ, ເພື່ອຜົນປະໂຫຍດລວມຂອງປະຊາຊົນສອງປະເທດ, ປະກອບສ່ວນຮັກສາສັນຕິພາບ, ສະຖຽນລະພາບ ແລະ ພັດທະນາໃນພາກພື້ນ ແລະ ຢູ່ໃນໂລກ.
ວັນທີ 1/9, ສະຖານທູດ ຫວຽດນາມປະຈຳ ສ ອາຟະລິກາໃຕ້ກໍ່ຈັດຕັ້ງພິທີ ສະເຫຼີມສະຫຼອງ 71 ປີ ແຫ່ງວັນຊາດ 2/9. ນອກຈາກຫວນຄືນບັນດາຜົນງານພົ້ນເດັ່ນຂອງ ຫວຽດນາມໃນ 71 ປີຜ່ານມາ, ທີ່ພິທີບັນດາອົງການຕາງໜ້າຫວຽດນາມປະຈຳ ສອາຟະລິກາໃຕ້ກໍ່ໄດ້ຈັດການໂຄສະນາບັນດາຜະລິດຕະພັນທີ່ມີທ່າແຮງຂອງ ຫວຽດນາມເຊັ່ນເຂົ້າສານ, ກາເຟ, ກໍ່ຄືແນະນຳອາຫານການກິນທີ່ເປັນມູນເຊື້ອຂອງ ຫວຽດນາມອີກດ້ວຍ.
ແລະກໍ່ໃນ ວັນທີ 1/9, ສະຖານກົງສູນ ຫວຽດນາມ ປະຈຳ ໂອຊາກາ, ຍີ່ປຸ່ນ ກໍ່ໄດ້ຈັດງານລ້ຽງສະເຫຼີມສະຫຼອງ 71 ປີ ແຫ່ງວັນການປະຕິວັດເດືອນ 8 ແລະ ວັນຊາດ 2/9. ພິທີສະເຫຼີມສະຫຼອງ ໄດ້ສ້າງຄວາມປະທັບໃຈອັນດີງາມໃຫ້ເພື່ອມິດ, ຊາວຍີ່ປຸ່ນເປັນຈຳນວນຫຼວງຫຼາຍ ກໍ່ຄືປະຊາຄົມຊາວ ຫວຽດນາມທີ່ພວມເຮັດວຽກ, ຮຳ່ຮຽນ ແລະ ດຳລັງຊີວິດຢູ່ເຂດ ການຊາຍ.