ໃນຮຸ່ງເຊົ້າວັນທີ 16 ສິງຫາ, ພະຍຸ Bebinca ພວມຢູ່ໃນເຂດຕາເວັນຕົກແຫຼມ ໄຫຼເຈົາ (ປະເທດຈີນ), ຫ່າງຈາກນະຄອນມ໋ອງກ່າຍ ຫວຽດນາມ 230 ກມ, ຫ່າງຈາກແຂວງ ທ໋າຍບີ່ງ 350 ກມ, ຫ່າງຈາກ ວີງ 500 ກມ. ກຳລັງແຮງລົມໃນໃຈກາງພະຍຸແມ່ນລະດັບ 9.

        ກ່າວຄຳເຫັນໃນການປະຊຸມດ່ວນກ່ຽວກັບການຮັບມືກັບພະຍຸ Benbica ໃນວັນທີ 15 ສິງຫາ, ທ່ານ ຫງວຽນຊວນເກື່ອງ, ລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຫວຽດນາມ, ຫົວໜ້າຄະນະຊີ້ນຳສູງກາງກ່ຽວກັບການປ້ອງກັນ, ຕ້ານໄພພິບັດທຳມະຊາດ, ຮຽກຮ້ອງໃຫ້ບັນດາທ້ອງຖິ່ນບໍ່ໄດ້ອັດຕະວິໄສໃນການຜັນແປຜິດປົກກະຕິຂອງພະຍຸ, ຍົກຍ້າຍປະຊາຊົນອອກຈາກເຂດອັນຕະລາຍຢ່າງທັນການ, ສຸມໃສ່ເຖິງການກ່າວເຕືອນໃຫ້ກ່ຳປັ່ນຢູ່ທະເລເຂົ້າສະຖານທີ່ປອດໄພ, ເປັນເຈົ້າການຜັນຂະຫຍາຍບັນດາມາດຕະການຮັບມືກັບສະພາບຝົນຕົກໜັກ, ຮັບປະກັນຊີວິດຂອງປະຊາຊົນ ແລະ ບັນດາພື້ນຖານໂຄງລ່າງເຂດແຄມທະເລ.