ສະຖານທີ່ເກີດເຫດເຮືອບິນ Airbus 320 ຂອງບໍລິສັດການບິນ Germanwings ຕົກ
(ພາບ: AFP/TTXVN)
|
(vovworld) - ຕ້ອງມີນັກບິນ 2 ຄົນໃນຫ້ອງຂັບເຮືອບິນທຸກໆເວລາ - ນັ້ນແມ່ນຂໍ້ກຳນົດໃໝ່ສຳລັບຂະແໜງການບິນເຊິ່ງບໍລິສັດການບິນຫຼາຍແຫ່ງ ແລະ ບັນດານັກວາງແຜນນະໂຍບາຍໃນໂລກປະກາດນຳໃຊ້ນັບແຕ່ວັນທີ 26/3 ເປັນຕົ້ນໄປ. ຂໍ້ກຳນົດນີ້ໄດ້ຍົກອອກມາພາຍຫຼັງບັນດເຈົ້າໜ້າທີ່ ຝຣັ່ງ ປະກາດໝາກຜົນຂອງການວິເຄາະກັບດຳໃນອຸບັດຕິເຫດເຮືອບິນ Airbus 320 ຕົກຂອງບໍລິສັດການບິນ Germanwings ໃຫ້ເຫັນວ່າ: ນັກບິນ ຮັບຜິດຊອບການຂັບເຮືອບິນມີແຕ່ຜູ້ດຽວໃນຫ້ອງຂັບ. ຢູ່ການາດາ, ທ່ານນາງລັດຖະມົນຕີວ່າການກະຊວງຄົມມະນາຄົມຂົນສົ່ງຂອງປະເທດນີ້ Lisa Raiit ໃຫ້ຮູ້ວ່າ “ອອກຄຳສັ່ງຢ່າງຮີບດ່ວນ” ແມ່ນ “ບັງຄັບ ແລະ ມີຜົນສັກສິດໃນທັນທີ”. ຢູ່ ເອີລົບ, ບໍລິສັດການບິນ ຫຼາຍແຫ່ງລ້ວນແຕ່ນຳໃຊ້ຂໍ້ກຳນົດດັ່ງກ່າວ. ເຖິງວ່າບໍ່ທັນປະກາດບັນດາການປ່ຽນແປງ, ແຕ່ສະຫະສະມາຄົມການບິນ BDL ຂອງ ເຢຍລະມັນ ກໍ່ໃຫ້ຮູ້ວ່າ: ຈະເຜີຍແຜ່ “ຫຼັກການ 2 ຄົນ” ໃຫ້ບັນດາສະມາຊິກ. ແລະກໍ່ໃນວັນດຽວກັນ, ອົງການການບິນພົນລະເຮືອນສາກົນ (ICAO) ໄດ້ຮຽກຮ້ອງບັນດາປະເທດສະມາຊິກກວດສຸຂະພາບຂອງນັກບິນເປັນປະຈຳ.