(ພາບປະກອບ)
(vovworld) – ບັນດາມະຫາວິທະຍາໄລ ແລະ ວິສາຫະກິດຕ່າງໆຂອງ ອີຕາລີ ຈະມີກົນໄກຮ່ວມມືຢ່າງແໜ້ນແຟ້ນ ໃນການໜູນຊ່ວຍບຳລຸງສ້າງຊັບພະຍາກອນມະນຸດ ເພື່ີອແນໃສ່ເພີ່ມທະວີການມີໜ້າຢູ່ ຫວຽດນາມ, ຜ່ານນັ້ນ ປະກອບສ່ວນຊຸກຍູ້ການພົວພັນດ້ານການຄ້າ, ເສດຖະກິດລະຫວ່າງ 2 ປະເທດ. ນີ້ແມ່ນເນື້ອໃນຂໍ້ຕົກລົງ ທີ່ຫາກໍໄດ້ລົງນາມລະຫວ່າງຜູ້ຕາງໜ້າມະຫາວິທະຍາໄລ Unimore ແລະ ຫ້ອງການການຄ້າ - ອຸດສາຫະກຳ ເຂດ Emilia – Romagna, ອີຕາລີ ເໜືອ, ໃນວັນທີ 25/11 ຢູ່ນະຄອນ Modena ພາຍໃຕ້ການເປັຮສັກຂີພິຍານຂອງທ່ານ ກາວຈິ໋ງທ້ຽນ ເອກອັກຄະລັດຖະທູດ ຫວຽດນາມ ປະຈຳ ອີຕາລີ ແລະ ທ່ານນາງ Cecilia Piccioni ເອກອັກຄະລັດຖະທູດ ອີຕາລີ ປະຈຳ ຫວຽດນາມ. ຕາມຂໍ້ຕົກລົງແລ້ວ ບັນດານັກສຶກສາ ຫວຽດນາມ ຈະໄດ້ຮັບການ ໜູນຊ່ວຍຄ່າຮຽນ ແລະ ຝິກງານໃນບັນດາວິສາຫະກິດເຂດ Emilia – Romagna ຂອງ ອີຕາລີ. ຄຽງຂ້າງນັ້ນ, ບັນດາວິສາຫະກິດ ແລະ ມະຫາວິທະຍາໄລ ກໍຈະຈັດຕັ້ງບັນດາກອງປະຊຸມ, ກອງປະຊຸມສຳມະນາ, ໃຫ້ຄຳປຶກສາວິທະຍາສາດ ເພື່ອເຂົ້າໃຈແຈ້ງກ່ວາ ຄວາມຕ້ອງການ, ຄວາມສາມາດຂອງກັນໃນການສຳພັດກັບຕະຫລາດ ຫວຽດນາມ.