(vovworld) - ວັນທີ 08/04, ກອງທຶນເພື່ອສັນຕິພາບ ແລະ ພັດທະນາຫວຽດນາມສົມທົບກັບອົງການຈັດຕັ້ງ Action Aid ປະຈຳຫວຽດນາມ ໄດ້ຈັດກອງປະຊຸມສຳມະນາ “ຈາກເປົ້າໝາຍສະຫັດສະວັດ (MDGs) ມຸ່ງໄປເຖິງເປົ້າໝາຍພັດທະນາແບບຍືນຍົງ (SDGs), ບັນດາທີ່ວາງອອກສຳລັບຫວຽດນາມ ແລະ ການເຂົ້າຮ່ວມຂອງບັນດາອົງການຈັດຕັ້ງປະຊາຊົນ”. ທີ່ກອງປະຊຸມສຳມະນາ, ບັນດາຜູ້ແທນໄດ້ຍົກອອກຄວາມສະດວກ ແລະ ສິ່ງທ້າທາຍທີ່ວາງອອກໃນວິວັດການປະຕິບັດ SDGs ຢູ່ຫວຽດນາມ. ນັ້ນແມ່ນບັນດາບົດຮຽນປະຕິບັດ MDGs ສຳເລັດຜົນ, ໄດ້ຮັບຖືວ່າແມ່ນປັດໃຈເພື່ອປະຕິບັດ SDGs; ລັດຖະບານສ້າງບັນດາຍຸດທະສາດ, ນະໂຍບາຍທີ່ກ່ຽວຂ້ອງ…
ທີ່ກອງປະຊຸມສຳມະນາ, ຜູ້ຕາງໜ້າກະຊວງແຜນການ ແລະ ການລົງທຶນ, ກະຊວງການຕ່າງປະເທດ, ກະຊວງຊັບພະຍາກອນລະສິ່ງແວດລ້ອມ, ກະຊວງແຮງງານ ທະຫານເສຍອົງຄະ ແລະ ສັງຄົມ, ຜູ້ຕ່າງໜ້າໂຄງການພັດທະນາຂອງສະຫະປະຊາຊາດ - UNDP… ໄດ້ມີບັນດາບົດປະກອບຄຳເຫັນກ່ຽວກັບ: ແນະນຳໂດຍສັງເຂບກ່ຽວກັບບັນດາເປົ້າໝາຍພັດທະນາແບບຍືນຍົງ, ປຽບທຽບ MDGs ກັບ SDGs ແລະ ບັນດາກາລະໂອກາດ, ສິ່ງທ້າທາຍສຳລັບຫວຽດນາມ; ການປະຕິບັດ SDGs ກ່ຽວກັບຂົງເຂດສິ່ງແວດລ້ອມ, ຂົງເຂດແຮງງານ ແລະ ຮັບປະກັນຊີິວິດສັງຄົມ.