(VOVWORLD) - ຕອນຄ່ຳວັນທີ 20 ກັນຍາ ຢູ່ ຮ່າໂນ້ຍ ໄດ້ຈັດຕັ້ງລາຍການ “ບຸນໄຫວ້ພະຈັນທີ່ມ່ວນຊື່ນ” ຕາມຮູບການທາງໄກ ເຊື່ອມຕໍ່ກັບ 7 ແຂວງ, ນະຄອນ ລວມມີ: ນະຄອນ ໂຮ່ຈີມິນ, ບີ່ງເຢືອງ, ກຽນຢາງ, ແຄງຮ່ວາ, ບັກຢາງ, ຮ່າຕິ້ງ, ຢາລາຍ ແລະ 3 ສູນການເຄື່ອນໄຫວກ່ຽວກັບຊາວຫນຸ່ມເຍົາວະຊົນອະນຸຊົນ ບັນດາແຂວງ ລ່າວກາຍ, ຮ່າຢາງ, ນິງບີ່ງ.
 ລາຍການ: ຕ້ອນຮັບບຸນໄຫວ້ພະຈັນທີ່ມ່ວນຊື່ນ. (ພາບ:TTXVN) |
ທີ່ລາຍການ, ພວກນ້ອງນ້ອຍໄດ້ຮັບຊົມບັນດາລາຍການສິລະປະທີ່ເປັນເອກະລັກສະເພາະ, ການຟ້ອນສິງໂຕໂດຍພວກນ້ອງນ້ອຍ ຢູ່ ຮ່າໂນ້ຍ ແລະບັນດາແຂວງນະຄອນ ສະແດງ ແລະການລະຫລິ້ນພື້ນເມືອງຕ່າງໆ, ຮັບຟັງການແບ່ງປັນຂອງພວກນ້ອງນ້ອຍກ່ຽວກັບຄວາມມຸ່ງຫວັງໃນໂອກາດບຸນໄຫວ້ພະຈັນ. ອ້າຍ ຫງວຽນງອກເລືອງ, ເລຂາສູນກາງຄະນະຊາວຫນຸ່ມ ໄດ້ເນັ້ນຫນັກວ່າ: ລາຍການ ບຸນໄຫວ້ພະຈັນທີ່ມ່ວນຊື່ນ ດ້ວຍການເຄື່ອນໄຫວຫລາຍຢ່າງຈັດຂຶ້ນໃນໄລຍະຜ່ານມາ ຄືດັ່ງຂອງຂວັນດ້ານຈິດໃຈດ້ວຍຄວາມປາດຖະຫນາຢາກໃຫ້ພວກນ້ອງເຍົາວະຊົນອະນຸຊົນໄດ້ຕ້ອນຮັບບຸນໄຫວ້ພະຈັນທີ່ອົບອຸ່ນ ເຕັມໄປດ້ວຍຄວາມຮັກແພງ, ການແບ່ງປັນ, ຄວາມເອົາໃຈໃສ່ຈາກບັນດາອົງການຊາວຫນຸ່ມ, ກອງເຍົາວະຊົນທຸກຂັ້ນ.
ວັນບຸນໄຫວ້ພະຈັນປີນີ້ ແມ່ນວັນບຸນພິເສດທີ່ສຸດສຳລັບເດັກນ້ອຍໃນທົ່ວປະເທດ ຍ້ອນຫລາຍທ້ອງຖິ່ນພວມປະຕິບັດບັນດາມາດຕະການແຍກຫ່າງສັງຄົມເພື່ອປ້ອງກັນຕ້ານໂລກລະບາດໂຄວິດ - 19. ເຖິງຢ່າງໃດກໍຕາມ ອຳນາດການປົກຄອງ ແລະບັນດາອົງການຈັດຕັ້ງມະຫາຊົນໃນສັງຄົມກໍ່ໄດ້ຈັດຕັ້ງບັນດາລາຍການຢື້ຢາມຖາມຂ່າວມອບຂອງຂວັນໃຫ້ເດັກໃນໂອກາດບຸນໄຫວ້ພະຈັນ.