ປຸກລະດົມເດືອນດຳເນີນງານແຫ່ງຊາດເພື່ອເດັກນ້ອຍປີ2016
(ພາບ: baoquangninh)
(vovworld) - ດ້ວຍຫົວຂໍ້ວ່າ: “ໍເພື່ອຊີວິດປອດໄພ, ປ້ອງກັນ, ຕ້ານອຸບັດຕິເຫັດໃຫ້ເດັກນ້ອຍ”, ພິທີປຸກລະດົມເດືອນດຳເນີນງານເພື່ອເດັກນ້ອຍປີ 2016 ຖືກດຳເນີນໃນຕອນເຊົ້າວັນທີ 28/05, ຢູ່ນະຄອນ ຮ້າລອງ ແຂວງກວາງນີງ. ພິທີປຸກລະດົມສົ່ງສານທີ່ວ່າ: ປ້ອງກັນ, ຕ້ານອຸບັດຕິເຫັດໃຫ້ເດັກນ້ອຍແມ່ນຄວາມຮັບຜິດຊອບຂອງທຸກຄົນ; ຜ່ານນັ້ນ ປຸກລະດົມປະຊາຄົມເອົາໃຈໃສ່, ເບິ່ງແຍງດູແລ, ປົກປ້ອງເດັກນ້ອຍ. ເຂົ້າຮ່ວມ ແລະ ກ່າວຄຳເຫັນທີ່ພິທີ, ທ່ານນາງຮອງປະທານປະເທດ ດັ້ງທິງອກທິງ ເນັ້ນໜັກວ່າ:
“ສະເໜີບັນດາກະຊວງ, ຂະແໜງການທ້ອງຖິ່ນກໍ່ສ້າງ, ປັບປຸງບັນດາໜ້າທີ່, ມາດຕະການຢ່າງຮີບດ່ວນ ຕາມໂຄງານປ້ອງກັນຕ້ານອຸບັດຕິເຫັດໃຫ້ເດັກນ້ອຍໄລຍະ 2016 – 2020. ກວດກາ, ລົບລ້າງ, ປ້ອງກັນຕ້ານໄພຈະເກີດອຸບັດຕິເຫັດໃຫ້ເດັກນ້ອຍຢູ່ໃນຄອບຄົວ, ໂຮງຮຽນ ແລະ ໃນປະຊາຄົມ. ຄຽງຂ້າງນັ້ນ ສືບຕໍ່ໂຄສະນາຍົກສູງຄວາມຮັບຮູ້ຂອງຄອບຄົວ, ໂຮງຮຽນ ແລະ ສັງຄົມໃນການເອົາໃຈໃສ່, ເບິ່ງແຍງດູແລ ແລະ ຕິດຕາມກວດກາພວກນ້ອງຢ່າງແໜ້ນແຟ້ນ, ສ້າງເງື່ອນໄຂສະດວກໃຫ້ພວກນ້ອງທຸກຄົນ ໄດ້ມີຊີວິດ, ຮ່ຳຮຽນລະຫຼິ້ນສະພາບປອດໄພ”