ດູດຢາພາໃຫ້ເກີດຫຼາຍພະຍາດ (ພາບ: TTXVN)
(vovworld) - ຕອນເຊົ້າວັນທີ 21/3, ຄະນະປະຈຳສະພາແຫ່ງຊາດໄດ້ປະກອບຄວາມເຫັນກ່ຽວກັບບາງບັນຫາສຳຄັນ, ໃນນັ້ນມີຮ່າງກົດໝາຍວ່າດ້ວຍປ້ອງກັນ, ຕ້ານຜົນຮ້າຍຈາກຢາສູບ. ບັນດາ ສສຊ ຢືນຢັນວ່າ: ເລື່ອງປະກາດໃຊ້ກົດໝາຍວ່າດ້ວຍປ້ອງກັນ, ຕ້ານຜົນຮ້າຍຈາກຢາສູບ ແມ່ນມາດຕະການອັນຈຳເປັນ, ເພື່ອເພີ່ມລາຍຮັບງົບປະມານ, ທັງຮັກສາສຸຂະພາບຂອງປະຊາຊົນ ແລະ ບໍ່ສົ່ງຜົນສະທ້ອນເຖິງການຜະລິດ ແລະປູກຢາສູບ. ຄະນະປະຈຳສະພາແຫ່ງຊາດກໍ່ເຫັນດີຕໍ່ວິວັດການສ້າງຕັ້ງກອງທຶນປ້ອງກັນ, ຕ້ານຜົນຮ້າຍຈາກຢາສູບ. ເຖິງຢ່າງໃດກໍ່ຕາມ, ທ່ານ ຟຸ່ງກວົກຫຽນ, ຫົວໜ້າກຳມາທິການການເງິນ, ງົບປະມານຂອງສະພາແຫ່ງຊາດ ພັດຖືວ່າ, ຄວນເກັບພາສີອາກອນ ແລະ ຈັດຕັ້ງການຄຸ້ມຄອງກອງທຶນຕາມແບບພາສີລາຍຮັບພິເສດ.
”ຖ້າຫາກເກັບພາສີອາກອນຕາມແບບພາສີລາຍຮັບພິເສດ, ພວກເຮົາຈະຍົກພາສີລາຍຮັບພິເສດຂຶ້ນ ແລະ ສະຫງວນສ່ວນໜຶ່ງໃຫ້ກອງທຶນ, ຂ້າພະເຈົ້າຖືວ່າ ມາດຕະການນັ້ນຈະປະຢັດກວ່າໃນວຽກງານເກັບພາສີອາກອນ, ແລະ ພວກເຮົາພຽງແຕ່ເພີ່ມທະວີການຄຸ້ມຄອງລາຍຈ່າຍເທົ່ານັ້ນ. ຖ້າພວກເຮົາປະຕິບັດການເກັບພາສີອາກອນຕາມອັດຕາໃດໜຶ່ງຢ່າງແນ່ນອນ, ມັນຈະບໍ່ແມ່ນເລື່ອງງ່າຍດາຍ, ເພາະວ່າຕ້ອງພິສູດໃຫ້ເຫັນວ່າອັດຕາເກັບພາສີອາກອນນີ້ແມ່ນຂຶ້ນກັບລະບອບເກັບພາສີອາກອນໃດ”
ຮ່າງກົດໝາຍວ່າດ້ວຍປ້ອງກັນ, ຕ້ານຜົນຮ້າຍຈາກຢາສູບ ຈະຍື່ນສະເໜີຕໍ່ສະພາແຫ່ງຊາດພິຈາລະນາ ແລະ ຮັບຮອງເອົາໃນກອງປະຊຸມສະໄໝສາມັນເທື່ອທີ 3 ສະພາແຫ່ງຊາດຊຸດທີ 13.