ປະກາດ “ ມໍລະດົກວັດຖຸເອກະສານກາບກອນເທິ່ງສະຖາປັດຕະຍະກຳພະລາດຊະວັງເຫ້ວທີ່ຂຶ້ນກັບໂຄງການຄວາມຊົງຈຳໂລກ
ພິທີປະກາດ ມໍລະດົກວັດຖຸເອກະສານກາບກອນເທິ່ງສະຖາປັດຕະຍະກຳພະລາດຊະວັງ ເຫ້ວທີ່ຂຶ້ນກັບໂຄງການຄວາມຊົງຈຳໂລກ |
(vovworld)- ຕອນເຊົ້າວັນທີ 11/6, ຢູ່ນະຄອນເຫ້ວ, ຄະນະກຳມະການປະຊາຊົນແຂວງເທື່ອທຽນເຫ້ວ ໄດ້ຈັດພິທີປະກາດ “ ມໍລະດົກວັດຖຸເອກະສານກາບກອນເທິ່ງສະຖາປັດຕະຍະກຳພະລາດຊະວັງເຫ້ວທີ່ຂຶ້ນກັບໂຄງການຄວາມຊົງຈຳໂລກພາກພື້ນອາຊີ-ປາຊີຟິກ ຂອງ UNESCO”. ມໍລະດົກວັດຖຸເອກະສານກາບກອນເທິ່ງສະຖາປັດຕະຍະກຳພະລາດຊະວັງເຫ້ວໄດ້ຮັບການເຊີດຊູເຂົ້າໃນ ໂຄງການຄວາມຊົງຈຳໂລກພາກພື້ນອາຊີ-ປາຊີຟິກ ແລະ ໄດ້ຮັບການປະກາດທີ່ກອງປະຊຸມຄົບຄະນະຄັ້ງທີ 7 ຂອງຄະນະກຳມະການ ຄວາມຊົງຈຳໂລກພາກພື້ນອາຊີ-ປາຊີຟິກ ຢູ່ກຸງເກົ່າເຫ້ວໃນກາງເດືອນ 5 ທີ່ຜ່ານມາ. ທ່ານ ຟານແທງຫາຍ, ຜູ້ອຳນວຍການສູນອະນຸລັກຮັກສາປູຊະນີຍະສະຖານກຸງເກົ່າເຫ້ວ ໃຫ້ຮູ້ວ່າ :
“ກາບກອນເທິ່ງສະຖາປັດຕະຍະກຳພະລາດຊະວັງເຫ້ວແມ່ນມໍລະດົກທີ 5 ຂອງກຸງເກົ່າເຫ້ວຊຶ່ງໄດ້ຮັບການເຊີດຊູຈາກ UNESCO. ນີ້ແມ່ນການຮັບຮູ້ຢ່າງໃຫຍ່ຫຼວງສຳລັບເຫື່ອແຮງບໍ່ພຽງແຕ່ຂອງພວກຂ້າພະເຈົ້າເທົ່ານັ້ນ, ຫາກຍັງຂອງຫຼາຍຄົນ, ໃນນັ້ນມີຄວາມເອົາໃຈໃສ່ພິເສດຂອງ ຄະນະກຳມະການປະຊາຊົນແຂວງເທື່ອທຽນເຫ້ວ, ກະຊວງວັດທະນະທຳ, ກິລາ ແລະ ທ່ອງທ່ຽວ, ພິເສດແມ່ນຄະນະກຳມະການແຫ່ງຊາດ UNESCO ຫວຽດນາມ ”