ຊຸດ Kit  ນີ້ ໂດຍ ວິທະຍາຄານເສນາຮັກ ສົມທົບກັບ ບໍລິສັດຫຸ້ນສ່ວນ ເຕັກໂນໂລຊີ ຫວຽດ ອາ (ອາຊີ) ປະຕິບັດ ແລະໄດ້ຜະລິດຕາມຕ່ອງໂສ້ບັນລຸມາດຕະຖານ ISO 13485. ຊຸດ Kit ນີ້ ໃຫ້ຜົນການວິໄຈຢ່າງວ່ອງໄວ, ຊັດເຈນ ແລະ ຄ້າຍຄືກັນກັບຊຸດ Kitໂດຍ ອາເມລິກາ ແລະ ອົງການອະນາໄມໂລກຜະລິດ. ເລື່ອງຄົ້ນຄວ້າຜະລິດ ຊຸດ Kit ສຳເລັດຜົນ ແມ່ນໝາກຜົນສຳຄັນພິເສດ ມີຄວາມໝາຍໃຫຍ່ຫລວງ ໃນສະພາບໂລກພະຍາດພວມແຜ່ລະບາດສູ່ວົງກວ້າງໃນທົ່ວໂລກ, ເປັນການຢືນຢັນລະດັບຄວາມຮູ້ຂອງບັນດານັກວິທະຍາສາດ ຫວຽດນາມ. ປະຈຸບັນ ກະຊວງສາທາລະນະສຸກ ໄດ້ອະນຸຍາດໃຫ້ວິທະຍາຄານເສນາຮັກ ແລະບໍລິສັດຫຸ້ນສ່ວນເຕັກໂນໂລຊີ ຫວຽດ ອາ ຜະລິດອອກ ຊຸດ Kit ນີ້ ເພື່ອຮັບໃຊ້ວຽກງານປ້ອງກັນ ຄວບຄຸມເຊື້ອພະຍາດ Covid – 19. ສາດສະດາຈານ ປອ ໂດ້ກວຽດ ຫົວຫນ້າວິທະຍາຄານ ເສນາຮັກ ໃຫ້ຮູ້ວ່າ:

“ຊຸດ Kit ນີ້ ບໍ່ພຽງແຕ່ນຳໃຊ້ ຢູ່ ຫວຽດນາມເທົ່ານັ້ນຫາກ ຍັງໄດ້ສົ່ງເຖິງ ວາລະສານວິທະຍາສາດທີ່ມີຊື່ສຽງໃນໂລກອີກດ້ວຍ. ວາລະສານນີ້ ໄດ້ສົ່ງ ຊຸດ Kit ແລະຂັ້ນຕອນການຜະລິດຂອງ ວິທະຍາຄານເສນາຮັກ ເຖິງ ອົງການອະນາໄມໂລກ.  ແລະ ອົງການນີ້ ໄດ້ສົ່ງຈົດໝາຍຂໍອະນຸຍາດ ວິທະຍາຄານເສນາຮັກ ເພື່ອແບ່ງປັນຂັ້ນຕອນການຄົ້ນຄ້ວາດັ່ງກ່າວຕໍ່ກັບຫ້ອງການຄົ້ນຄ້ວາໃນໂລກ ເພື່ອໃຫ້ເຂົາເຈົ້າຖືເປັນຈຸດໝາຍຄົ້ນຄ້ວາຕື່ມເພື່ອສາມາດຜັນຂະຫຍາຍ ແລະ ນຳໃຊ້”

ກ່ຽວຂ້ອງເຖິງການຮັບມືກັບ ເຊື້ອພະຍາດ Covid 19. ວັນທີ 5 ມີນາ ກຸ່ມທະນາຄານໂລກ ໄດ້ພ້ອມກັບລັດຖະບານຍີ່ປຸ່ນ ຜັນຂະຫຍາຍໂຄງການຫນູນຊ່ວຍເຕັກນິກຢ່າງຮີບດ່ວນໃຫ້ແກ່ຫວຽດນາມ ເພື່ອຮັບມືກັບໂລກລະບາດ ດ້ວຍເປົ້າໝາຍແມ່ນເພີ່ມທະວີກຳລັງຄວາມສາມາດຕິດຕາມກວດ, ບົ່ງມະຕິ ແລະປິ່ນປົວພະຍາດ Covid – 19,ໃນນັ້ນ ສຸມໃສ່ບັນດາທ້ອງຖິ່ນມີຄວາມສ່ຽງສູງໃນການຕິດເຊື້ອພະຍາດດັ່ງກ່າວຢູ່ ພາກເຫນືອຫວຽດນາມ.