ພາບປະກອບ
|
(vovworld) - ກົມນັກສາສຳເນົາເອກະສານຂອງລັດ ຫາກໍ່ປະກາດ 2 ຟິມຮູບເງົາເອກະສານພິເສດໂດຍຕ່າງປະເທດຜະລິດ, ນັ້ນແມ່ນຟິມຮູບເງົາເອກະສານ “ຫວຽດນາມ: 30 ວັນຢູ່ ໄຊງ່ອນ” ແລະ “ໂຮ່ຈີມິນຢູ່ປະເທດຂອງເລນີນ”. ໃນນັ້ນ, ທີ່ຟິມຮູບເງົາ, “ຫວຽດນາມ: 30 ວັນຢູ່ ໄຊງ່ອນ” ໂດຍ Jean – Pierre Moscardo ເປັນຜູ້ກຳກັບ, ຜະລິດເມື່ອປີ 1975. ຟິມຮູບເງົາດັ່ງກ່າວແມ່ນໄດ້ວາດພາບຊຸມວັນສຸດທ້າຍຂອງສົງຄາມ ຫວຽດນາມ, ຮູບພາບໄຊງ່ອນ ໃນຊຸມວັນທຳອິດພາຍໃຕ້ການນຳພາຂອງລັດຖະບານປະຕິວັດຊົ່ວຄາວພາກໃຕ້ ຫວຽດນາມ… ສ່ວນ ຟິມຮູບເງົາ “ໂຮ່ຈີມິນຢູ່ປະເທດຂອງເລນີນ” ແມ່ນຟິມຂາວດຳ ໂດຍບໍລິສັດຜະລິດຟິມສະຖານະການເອກະສານສູນກາງ ລັດເຊຍ ຜະລິດປີ 1976. ຟິມຮູບເງົາດັ່ງກ່າວແມ່ນສ່ອງແສງເຖິງການເຄື່ອນໄຫວຂອງປະທານ ໂຮ່ຈີມິນ ໃນວິວັດການກໍ່ຕັ້ງປະເທດ ສັງຄົມນິຍົມ ແລະ ພັດທະນານ້ຳໃຈມິດຕະພາບລະຫວ່າງ ຫວຽດນາມ ແລະ ໂຊວຽດ. ຕາມແຜນການແລ້ວ, 2 ຟິມຮູບເງົາດັ່ງກ່າວຈະນຳໄປສາຍໃນເດືອນ 4 ແລະ ເດືອນ 5 ເນື່ອງໃນໂອກາດສະເຫຼີມສະຫຼອງວັນບຸນໃຫຍ່ຂອງປະເທດຊາດ.