(vovworld) - ຕອນເຊົ້າວັນທີ 17/06, ທ່ານນາງຮອງປະທານປະເທດ ດັ້ງທິຫງອກທິ້ງ ແລະ ຄະນະຜູ້ແທນຫວຽດນາມ ໄດ້ເດີນທາງອອກຈາກ Praha ກັບເມືອຮ່າໂນ້ຍ, ສິ້ນສຸດການຢ້ຽມາມ ແລະ ເຮັດວຽກຢູ່ 3 ປະເທດແມ່ນ ໂປໂລຍ, ສະວິດ ແລະ ສ.ເຊັກໂກ, ກໍຄືເຂົ້າຮ່ວມກອງປະຊຸມສຸດຍອດແມ່ຍິງທົ່ວໂລກ ແລະ ກອງປະຊຸມຄັ້ງທີ 32 ຂອງສະພາສິດທະມະນຸດສະຫະປະຊາຊາດ.
ກ່ອນໜ້ານັ້ນ, ໃນຕອນຄ່ຳວັນທີ 16/06, ທີ່ສູນການຄ້າ ຊາປາ, ຢູ່ນະຄອນ Praha, ທ່ານນາງຮອງປະທານປະເທດ ດັ້ງທິຫງອກທິ້ງ ໄດ້ມີການພົບປະກັບຜູ້ຕາງໜ້າຄະນະການນຳສູນກາງສະມາຄົມຊາວຫວຽດນາມ, ບັນດາອົງການຈັດຕັ້ງ, ຄະນະຊາວຫວຽດນາມ ອາໄສຢູ່ສ.ເຊັກໂກ. ທີ່ການພົບປະ, ທ່ານນາງຮອງປະທານປະເທດ ດັ້ງທິຫງອກທິ້ງ ສະແດງຄວາມປິຕິຊົມຊື່ນເມື່ອໄດ້ຮູ້ວ່າ, ໃນການພົບປະຂັ້ນສູງຄັ້ງຕ່າງໆກ່ອນນີ້ ແລະ ການຢ້ຽຢມາມສ.ເຊັກໂກ ຄັ້ງນີ້, ບັນດາການນຳຂອງສ.ເຊັກໂກ ໄດ້ໃຫ້ຂໍ້ສັງເກດຢ່າງຕັ້ງໜ້າກ່ຽວກັບປະຊາຄົມຊາວຫວຽດນາມ ອາໄສຢູ່ທີ່ນີ້.
“ຜ່ານການພົບປະຂັ້ນສູງຄັ້ງຕ່າງໆ, ຝ່າຍສ.ເຊັກໂກ ໄດ້ຕີລາຄາສູງປະຊາຄົມຊາວຫວຽດນາມ ອາໄສຢູ່ທີ່ນີ້. ລຸ່ນທີ 1 ແມ່ນສະຫຼາດສະຫຼຽວທີ່ສຸດ, ມີຄວາມດຸໝັ່ນ, ມີຫົວຄິດປະດິດສ້າງ ແລະ ໃນເບື້ອງຕົ້ນໄດ້ປະສົບຜົນສຳເລດໃນພາລະກິດລ້ຽງຊີບ ແລະ ຮ່ຳຮຽນຢູ່ສ.ເຊັກໂກ. ພິເສດ, ຝ່າຍສ.ເຊກໂກ ກໍ່ຕີລາຄາສູງລຸ່ນທີ 2 ເຊິ່ງແມ່ນນັກສຶກສາ, ພົນລະເມືອງທີ່ດີເດັ່ນ, ມີນັກສຶກສາຫຼາຍຄົນໄດ້ຮັບຜົນງານຫຼາຍຢ່າງໃນການຮໍ່າຮຽນ ແລະ ການດຳລົງຊີວິດ. ເຂົາເຈົ້າມີຄວາມເຊື່ອໝັ້ນເຂົ້າລຸ່ນທີ່ 2 ນີ້.”
ທ່ານນາງຮອງປະທານປະເທດ ດັ້ງທິຫງອກທິ້ງ ສະເໜີໃຫ້ປະຊາຄົມຊາວຫວຽດນາມ ອາໄສຢູ່ສ.ເຊັກໂກ ຕ້ອງເສີມຂະຫຍາຍນຳ້ໃຈສາມັກຄີ, ອຸ້ມຊູຊ່ວຍເຫຼືອເຊິ່ງກັນ ແລະ ກັນ, ມີຫົວຄິດປະດິດສ້າງ, ຍາດແຍ່ງບັນດາກາລະໂອກາດ, ຜ່ານຜ່າຄວາມຫຍຸ້ງຍາກເພື່ອສືບຕໍ່ຍົກສູງທີ່ຕັ້ງບົດບາດຂອງຕົນຢູ່ສ.ເຊັກໂກ ແລະ ເປັນຂົວຕໍ່ໃຫ້ການພົວພັນມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານລະຫວ່າງຫວຽດນາມ ແລະ ສ.ເຊັກໂກ.