ທ່ານຮອງນາຍົກລັດຖະມົນຕີ ຟ້າມບີງມີງກ່າວຄຳເຫັນທີ່ພິທີ
ພາບ:tuoitre.vn
|
(vovworld)- ວັນທີ 31/12/2015, ມາເລເຊຍ ປະເທດປະທານ ໝູນວຽນຂອງອາຊຽນ ໃນປີ 2015 ໄດ້ຖະແຫລງວ່າ: ປະຊາຄົມ ອາຊຽນ ໄດ້ຮັບການສ້າງຕັ້ງຢ່າງເປັນທາງການ, ເປັນຂີດໝາຍສຳຄັນໃນປະຫວັດສາດ ອາຊຽນ. ທ່ານ Anifah Aman, ລັດຖະມົນຕີວ່າການກະຊວງການຕ່າງປະເທດ ມາເລເຊຍ ຊົມເຊີຍເລື່ອງສ້າງຕັ້ງປະຊາຄົມ ອາຊຽນ ແລະ ເນັ້ນຫນັກວ່າ ສິ່ງນີ້ຈະຫນູນຊ່ວຍເພີ່ມທະວີການສ້າງປະຊາຄົມ ແລະ ວິວັດການເຊື່ອມໂຍງເຂົ້າກັບພາກພື້ນກວ່າອີກ ກໍຄືປະຕິບັດບັນດາຄຳໝັ້ນສັນຍາຕາມວິໄສທັດປະຊາຄົມ ອາຊຽນ ຫລັງປີ 2025 ແລະ ຖະແຫລງການ ກົວລາລຳເປີ ກ່ຽວກັບ ອາຊຽນ 2025.
ເພື່ອສະເຫລີມສະຫລອງເຫດການນີ້, ຕອນເຊົ້າວັນທີ 31/12 ຢູ່ ຮ່າໂນ້ຍ, ໄດ້ດຳເນີນພິທີຊັກທຸງ ອາຊຽນ ພາຍໃຕ້ການເປັນປະທານຂອງທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດຫວຽດນາມ ຟ້າມບີງມີງ ໂດຍມີການເຂົ້າຮ່ວມຂອງເອກອັກຄະລັດຖະທູດ ມາຣົກ ພ້ອມດ້ວຍອັກຄະລັດຖະທູດ, ເອກອັກຄະລັດຖະທູດບັນດາປະເທດ ອາຊຽນ, ຜູ້ສັງເກດການ ແລະ ບັນດາປະເທດຄູ່ເຈລະຈາ ຢູ່ ຮ່າໂນ້ຍ. ກ່າວຄຳເຫັນນະພິທີ, ທ່ານຮອງນາຍົກລັດຖະມົນຕີ ຟ້າມບີງມີງ ຢືນຢັນວ່າ: ເລື່ອງສ້າງຕັ້ງປະຊາຄົມ ອາຊຽນ ແມ່ນໝາກຜົນແຫ່ງການສູ້ຊົນບືນຂຶ້ນຂອງທຸກ ປະເທດ ອາຊຽນ ໃນໄລຍະເກືອບທົດສະວັດ, ບັນດາຄວາມມານະພະຍາຍາມ ເພື່ອສັນຕິພາບ, ມິດຕະພາບ, ການຮ່ວມມື ແລະ ພັດທະນາໃຫ້ທັງໝົດປະເທດ ນັ້ນແມ່ນປັດໄຈຕັດສິນ ນຳອາຊຽນ ປະສົບຜົນສຳເລັດຄືປະຈຸບັນ. ທ່ານຮອງນາຍົກລັດຖະມົນຕີ ຟ້າມບີງມີງ ເນັ້ນຫນັກວ່າ:
“ປະຊາຄົມ ອາຊຽນ ແມ່ນປະຊາຄົມທຳອິດໄດ້ຮັບການສ້າງຕັ້ງຢູ່ ອາຊີ. ນີ້ແມ່ນຄວາມເອກອ້າງທະນົງໃຈຂອງປະຊາຊົນບັນດາປະເທດ ອາຊຽນ ທັງໝົດ. ນັບແຕ່ວັນທີ 31/12 ເປັນຕົ້ນໄປ, ພາຍໃຕ້ຊາຍຄາ ອາຊຽນ, ປະຊາຊົນ ອາຊຽນ ກວ່າ 600 ລ້ານຄົນ ຈະຮ່ວມແຮງຮ່ວມໃຈສ້າງປະຊາຄົມສະຫນິດຕິດພັນກ່ຽວກັບດ້ານການເມືອງ, ຮ່ວມສຳພັນກ່ຽວກັບເສດຖະກິດ ແລະ ພ້ອມກັນແບ່ງປັນຄວາມຮັບຜິດຊອບສັງຄົມ. ລັດຖະບານບັນດາປະເທດສະມາຊິກ ແລະ ຄະນະເລຂາ ອາຊຽນ ມີຄວາມຮັບຜິດຊອບອັນໃຫຍ່ຫລວງໃນການຊຸກຍູ້ບັນດາຄວາມມານະພະຍາຍາມສ້າງປະຊາຄົມ ອາຊຽນ ເພື່ອບັນລຸໝາກຜົນສູງກວ່າ, ຕອບສະຫນອງຄວາມມຸ່ງຫວັງຂອງປະຊາຊົນ ກໍຄືບັນດາຄູ່ຮ່ວມມື, ເພື່ອນມິດສາກົນ.”
ທີ່ພິທີຊັກທຸງ ອາຊຽນ, ທ່ານຮອງນາຍົກລັດຖະມົນຕີ ຟ້າມບີງມີງ ໄດ້ຢືນຢັນ: ອາຊຽນ ໄດ້ ແລະ ຍາມໃດກໍແມ່ນເສົາຄ່້ຳໃນນະໂຍບາຍການຕ່າງປະເທດຂອງຫວຽດນາມ.
“ຫວຽດນາມ ມີຄວາມເອກອ້າງທະນົງໃຈ ເພາະໄດ້ເຂົ້າຮ່ວມ, ປະກອບສ່ວນຢ່າງຕັ້ງຫນ້າເຂົ້າໃນວິວັດການຮ່ວມມື ແລະ ສ້າງປະຊາຄົມ ອາຊຽນ ນັບແຕ່ປີ 1995 ມາຮອດປະຈຸບັນ, 20 ປີພ້ອມກັບ ອາຊຽນ ກໍແມ່ນ 20 ປີ ຫວຽດນາມ ມານະພະຍາຍາມຍູ້ແຮງວິວັດການປ່ຽນໃຫມ່ຂອງປະເທດຊາດ ແລະ ເຊື່ອມໂຍງຢ່າງເລິກເຊິ່ງກວ້າງຂວາງກັບພາກພື້ນ ແລະ ສາກົນ. ວິວັດການຊຸກຍູ້ບັນດາການເຄື່ອນໄຫວຮ່ວມມື ອາຊຽນ ລ້ວນແຕ່ມີການເຂົ້າຮ່ວມ ແລະ ປະກອບສ່ວນນັບມື້ນັບກວ້າງຂວາງ ແລະ ມີປະສິດທິຜົນຂອງທຸກຂັ້ນ, ຂະແຫນງການ, ບັນດາທ້ອງຖິ່ນ, ອົງການຈັດຕັ້ງມະຫາຊົນ, ວິສາຫະກິດ ແລະ ປະຊາຊົນ. ຫວຽດນາມ ໃຫ້ຄຳໝັ້ນສັນຍາຈະສືບຕໍ່ພ້ອມກັບບັນດາປະເທດອາຊຽນ, ເຂົ້າຮ່ວມຢ່າງຕັ້ງຫນ້າ, ເປັນເຈົ້າການ ແລະມີຄວາມຮັບຜິດຊອບໃນການຮ່ວມມື ອາຊຽນ, ປະກອບສ່ວນສ້າງປະຊາຄົມ ອາຊຽນ ສຳເລັດຜົນ.”