ປະຊາຊົນທຸກຊັ້ນວັນນະ ອາໄລຫາທ່ານພົນເອກ ຫວໍ້ງວຽນຢາບ
(ພາບ: tuoitre.vn)
(vovworld)- ຕອນບ່າຍວັນທີ 6/10, ໃນເຮືອນເຮືອນເລກທີ 30 ຖະໜົນຮ່ວາງຢ້ຽວ-ເມືອງບາດິງ-ຮ່າໂນ້ຍ, ຊື່ງທ່ານພົນເອກຫວໍ້ງວຽນຢາບ ແລະ ຄອບຄົວທ່ານດຳລົງຊີວິດກ່ອນທີ່ທ່ານເຖິງແກ່ມໍລະນະກຳ, ປຊຊ ຫວຽດນາມ ແລະ ຊາວຕ່າງປະເທດເປັນຈຳນວນຫຼວງຫຼາຍໄດ້ນຳເອົາທູບທຽນ, ດອກໄມ້ເຂົ້າໄຫ້ວອາໄລທ່ານພົນເອກທີ່ແສນເຄາລົບຮັກຂອງຊາດຫວຽດນາມ. ຈິງທິຫວຽດກ່ຽວ, ນັກສຶກສາມະຫາວິທະຍາໄລກົດໝາຍຮ່າໂນ້ຍ ເວົ້າວ່າ:
“ເມື່ອໄດ້ຮັບຂ່າວ່າທ່ານພົນເອກເຖິງວ່າມໍລະນະກຳ ນ້ອງກໍ່ບໍ່ເຊື່ອ. ໃນດວງໃຈຂອງນ້ອງ, ພາບພົດຂອງທ່ານພົນເອກແມ່ນສູງສົ່ງທີ່ສຸດ. ທ່ານແມ່ນແບບຢ່າງດີເດັ່ນເພື່ອໃຫ້ພວກນ້ອງຮຳ່ຮຽນຕາມ, ຜູ້ທີ່ຍິ່ງໃຫ່ຍຄືທ່ານເມື່ອໄດ້ເຖິງແກ່ມໍລະນະກຳ ແມ່ນຄວາມສູນເສຍອັນໃຫ່ຍຫຼວງຂອງຊາດ ແລະ ໂລກ “.
ປ້າເຈິ່ນທິກວນມາຍ, ຢູ່ບິ່ງເຢືອງ ໄດ້ຜ່ານໄລຍະທາງນັບ 1000 ກມ ເພື່ອມາຮ່າໂຮ້ຍ ຈຸດທູບທຽນສະແດງຄວາມເຄົາລົບຕໍ່ທ່ານພົນເອກຫວໍ້ງວຽນຢາບ ໄດ້ແບ່ງປັນວ່າ:
“ເທິງແທ່ນບູຊາຮູບຂອງລຸງມີຄວາມຍີ້ມແຍມແຈ່ໃສ, ສະຫງ່າຜ່າເຜີຍ. ຂ້າພະເຈົ້າເຄົາລົບລຸງປຽບເໝືອນຜູ້ເປັນພໍ່. ທ່ານພົນເອກເຖິງແກ່ມໍລະນະກຳຄວາມສູນເສຍອັນໃຫ່ຍຫຼວງ ບໍ່ພຽງແຕ່ສຳລັບຂ້າພະເຈົ້າເອງເທົ່ານັ້ນ ຫາກຍັງແມ່ນຄວາມສູນເສຍຂອງ ປຊຊ ຫວຽດນາມ ທຸກຄົນອີກດ້ວຍ“.