ເຫດການລັດຖະປະຫານຢູ່ ມາລີ
(ພາບ: thanhnien.com.vn)
( vovworld ) – ວັນທີ 22/3, ສະພາຄວາມໝັ້ນຄົງສະຫະປະຊາຊາດ ໄດ້ອອກຖະແຫຼງການກ່າວປະນາມການລຸກຮື້ຂື້ນຂອງບັນດານັກຮົບ ເພື່ອແນໃສ່ ຍາດເອົາສິດອຳນາດຢູ່ມາລີ. ຖະແຫຼງການຮຽກຮ້ອງໃຫ້ ມາລີ ຈົ່ງສ້າງລັດຖະທຳ ມະນູນ ແລະ ລັດຖະບານໂດຍປະຊາຊົນເລືອກຕັ້ງໂດຍທັນທີ, ພ້ອມທັງຮຽກຮ້ອງໃຫ້ຝ່າຍຕ່າງໆ ຈົ່ງລະງັບໃຈ, ຫລີກລ້ຽງການໃຊ້ຄວາມຮຸນແຮງ ແລະ ຮັບປະກັນໃຫ້ວິວັດການເລືອກຕັ້ງດຳເນີນໄປຖືກຕ້ອງຕາມການຄາດຄະເນໃນເດືອນ 4 ທີ່ຈະມາເຖິງ. ໃນຕອນຄ່ຳຂອງວັນດຽວກັນ, ຄະນະກຳມະການຂອງປະຊາຄົມເສດຖະກິດອາຟິຼກກາຕາເວັນຕົກ (ECOWAS) ໄດ້ຈັດການປະຊຸມ ແລະ ອອກຖະແຫຼງການຮຽກຮ້ອງໃຫ້ບັນດານັກຮົບເຂົ້າຮ່ວມການລັດຖະປະຫານຢູ່ມາລີ ຈົ່ງມອບໂອນສິດອຳນາດໃຫ້ລັດຖະບານເໝາະສົມກັບກົດໝາຍໂດຍໄວ ແລະ ຢືນຢັນບວ່າ ການກະທຳຂອງບັນດານັກຮົບຢູ່ມາລີ ແມ່ນໄປຝືນກັບເນື້ອໃນຂອງອະນຸສັນຍາເພີ່ມເຕີມ ກ່ຽວກັບປະຊາທິປະໄຕ ແລະ ການບໍລິຫານ, ພ້ອມທັງໄດ້ທຳລາຍບັນດາຜົນງານຊື່ງ ECOWAS ຍາກທີ່ບັນລຸໄດ້ໃນ 2 ທົດສະວັດຜ່ານມາ. ໃນວັນດຽວກັນ, ທະນາຄານໂລກ (WB) ແລະ ທະນາຄານພັດທະນາອາຟິຼກກາ (AfDB) ໄດ້ປະກາດປິດລ້ອມບ້ວງເງິນອຸປະຖຳພັດທະນາໃຫ້ແກ່ມາລີ ພາຫຼັງເຫດການລັດຖະປະຫານດັ່ງກ່າວ. ສ່ວນກະຊວງການຕ່າງປະເທດອາເມລິກາ ກໍ່ປະກາດພິຈາລະນາຄືນບ້ວງເງິນອຸປະຖຳປະຈຳປີໃຫ້ແກ່ມາລີ ຊື່ງມີມູນຄ່າເກືອບ 140 ລ້ານໂດລາສະຫະລັດເຊັ່ນດຽວກັນ.