ປະຕິບັດຂໍ້ກຳນົດ ປະສານສົມທົບໃນ ການຄຸ້ມຄອງແລະ ບໍລິຫານເສດຖະ ກິດມະຫາພາກ
(ພາບ: http://radiovietnam.vn)
(vovworld)– ໂດຍປະຕິບັດຕາມຂໍ້ຕົກລົງເລກທີ 1317 ຂອງທ່ານນາຍົກລັດຖະມົນຕີກ່ຽວກັບການປະຕິຮູບກົນໄກປະສານສົມທົບໃນການຄຸ້ມຄອງ ແລະ ບໍລິຫານເສດຖະກິດມະຫາພາກ, ຕອນເຊົ້າວັນທີ 17/12, ທີ່ສຳນັກງານທະນາຄານແຫ່ງລັດຫວຽດນາມ, ທ່ານບຸ່ຍກວາງວິງ, ລັດຖະມົນຕີວ່າການກະຊວງແຜນການ ແລະ ການລົງທຶນ, ທ່ານຫວຸ້ຮຸຍຮ່ວາງ, ລັດຖະມົນຕີວ່າການກະຊວງອຸດສາຫະກຳການຄ້າ, ທ່ານດິງຕຽນຢຸງ, ລັດຖະມົນຕີວ່າການກະຊວງການເງິນ, ທ່ານຫງວຽນວັນບິ່ງ, ຜູ້ວ່າການທະນາຄານແຫ່ງລັດຫວຽດນາມ ພ້ອມກັນເຂົ້າຮ່ວມວາລະປະຊຸມຄັ້ງທີ 1 ຜັນຂະຫຍາຍການປະຕິບັດ “ຂໍ້ກຳນົດປະສານສົມທົບໃນການຄຸ້ມຄອງ ແລະ ບໍລິຫານເສດຖະກິດມະຫາພາກ“. ນະທີ່ນີ້, ບັນດາຜູ້ແທນສຸມໃສ່ປຶກສາຫາລືກ່ຽວກັບສະພາບການເສດຖະກິດມະຫາພາກປີ 2014; ບັນດາບັນຫາຕ້ອງສົມທົບກັນແກ້ໄຂໃນໄຕມາດທີ 1 ປີ 2015; ຈັດຕັ້ງການປະຕິບັດບໍລິຫານເສດຖະກິດມະຫາພາກໃນຂົງເຂດຕ່າງໆ. ຜ່ານັ້ນ, ຮັບປະກັນຄວາມເປັນເອກະພາບກັບບັນດາແຜນນະໂຍບາຍຊີ້ນຳຂອງລັດຖະບານກ່ຽວກັບການບໍລິຫານບັນດານະໂຍບາຍປີການເງິນ, ເງິນຕາ, ສິນເຊື່ອ, ການລົງທຶນ ແລະ ພັດທະນາ, ການຄ້າ ແລະ ລາຄາ./.