ທ່ານ ຫງວຽນທ້ຽນເຍີນຕ້ອນຮັບທ່ານເອກອັກຄະລັດຖະທູດ ລາວ
ປະຈຳ ຫວຽດນາມ ທອງສະຫວັນ ພົມວິຫານ
(vovworld) - ຕອນເຊົ້າວັນທີ 22/06 ທີ່ການຕ້ອນຮັບທ່ານເອກອັກຄະລັດຖະທູດ ສປປ ລາວ ປະຈຳ ຫວຽດນາມ ທອງສະຫວັນ ພົມວິຫານ ເຂົ້າຢ້ຽມຂ່ຳນັບ ເນື່ອງໃນໂອກາດທ່ານເອກອັກຄະລັດຖະທູດຮັບໜ້າທີ່ປະຕິບັດງານຢູ່ ຫວຽດນາມ, ທ່ານ ຫງວຽນທ້ຽນເຍີນ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ເຊື່ອໝັ້ນວ່າ ດ້ວຍກຳລັງຄວາມສາມາດ ແລະ ບົດຮຽນຢ່າງຫລວງຫລາຍນັ້ນ, ທ່ານເອກອັກຄະລັດຖະທູດ ທອງສະຫວັນ ພົມວິຫານ ຈະເຮັດລ້ອນໜ້າທີ່ຮັບຜິດຊອບສຳຄັນຂອງຕົນເປັນຢ່າງດີ ມີບັນດາການປະກອບສ່ວນສຳຄັນເຂົ້າໃນການເພີ່ມພູນຄູນສ້າງສາຍພົວພັນມິດຕະພາບ ຄວາມສາມັກຄີແບບພິເສດ ແລະ ຮ່ວມມືຮອບດ້ານລະຫວ່າງ 2 ປະເທດ ຫວຽດນາມ - ລາວ. ບົນນ້ຳໃຈແຫ່ງການພົວພັນ 2 ປະເທດສືບຕໍ່ໄດ້ຮັບການປັບປຸງ, ພັດທະນານັບມື້ນັບເລິກເຊິ່ງກ້ວາງຂວາງ ແລະ ມີປະສິດທິຜົນໃນທຸກຂົງເຂດ, ທ່ານ ຫງວຽນທ້ຽນເຍີນ ປາດຖະໜາວ່າ: ໃນໄລຍະຈະມາເຖິງ ຫວຽດນາມ ແລະ ລາວ ສືບຕໍ່ຍູ້ແຮງການຮ່ວມມືຮອບດ້ານໃນບັນດາຂົງເຂດ,
ສ່ວນທ່ານເອກອັກຄະລັດຖະທູດ ທອງສະຫວັນ ພົມວິຫານ ຢືນຢັນວ່າ: ໃນຖານະຕຳແໜ່ງໃໝ່ຂອງຕົນ ຈະມານະພະຍາຍາມຈົນສຸດຄວາມສາມາດຂອງຕົນເປັນຂົວເຊື່ອມຕໍ່ ເພື່ອເພີ່ມພູນຄູນສ້າງໃຫ້ການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລາວ - ຫວຽດນາມ.