(vovworld) - ໂດຍໂດ້ຮັບຄຳເຊີນຂອງທ່ານປະທານປະເທດຫວຽດນາມ ເຈືອງເຕີນຊາງ, ວັນທີ 19/11, ທ່ານປະທານາທິບໍດີ ສ.ນາມີບີ Hifikepunye Pohama ພ້ອມກັບຄະນະຜູ້ແທນຂັ້ງສູງ ສ.ນາມີບີ ໄດ້ມາຮອດຮ່າໂນ້ຍ, ເລີ່ມຕົ້ນການຢ້ຽມຢາມທາງລັດຖະກິດເຖິງຫວຽດນາມ. ຕອນເຊົ້າວັນທີ 19/11, ພິທີຕ້ອນຮັບທ່ານປະທານາທິບໍດີ ສ.ນາມີບີ Hifikepunye Pohama ໄດ້ດຳເນີນໄປຢ່າງສົມກຽດ ຢູ່ສຳນັກງານປະທາປະເທດຕາມພິທີສຳລັບປະມຸດລັດ. ທ່ານປະທານປະເທດເຈືອງເຕີນຊາງ ເປັນເຈົ້າພາບຈັດຕັ້ງພິທີຕ້ອນຮັບ. ທ່ານປະທານປະເທດ ເຈືອງເຕີນຊາງ ຢືນຢັນວ່າ ຍາມໃດຫວຽດນາມ ກໍ່ຖືເປັນສຳຄັນ ແລະ ປາດຖະໜາຢາກເປີດກວ້າງການຮ່ວມມືຕ່າງຝ່າຍຕ່າງມີຜົນປະໂຫຍດກັບບັນດາປະເທດອາຟລິກາ, ໃນນັ້ນມີ ນາມີບີ. ທ່ານປະທານາທິບໍດີ Hifikepunye Pohama ຖະແຫຼງວ່າ ນາມີບີ ຮັບຮູ້ກົນໄກເສດຖະກິດການຕະຫຼາດຢ່າງຄົບຖ້ວນຂອງຫວຽດນາມ.
ພາຍຫຼັງພິທີຕ້ອນຮັບ, ທ່ານປະທານປະເທດ ເຈືອງເຕີນຊາງ ແລະ ທ່ານປະທານາທິບໍດີ Hifikepunye Pohamaໄດ້ດຳເນີນການເຈລະຈາ ທ່ານປະທານາທິບໍດີ Hifikepunye Pohama ຖືວ່າ ເຖິງວ່າໄດ້ມີບັນດາບາດກ້າວພັດະນາຢ່າງຕັ້ງໜ້າໃນໄລຍະມໍ່ໆມານີ້, ແຕ່ການຮ່ວມມືຫຼາຍດ້ານລະຫວ່າງ 2 ປະເທດຍັງຈຳກັດຢູ່, ບໍ່ທັນສ່ອງແສງຢ່າງຖືກຕ້ອງຄວາມສາມາດບົມຊ້ອນ ແລະ ຄວາມມຸ່ງມາດປາດຖະໜາຂອງການນຳ ແລະ ປະຊາຊົນ 2 ປະເທດ. ເພື່ອຂຸດຄົ້ນຄວາມສາມາດບົມຊ້ອນໃນການຮ່ວມມືລະຫວ່າງ 2 ປະເທດໃຫ້ດີກວ່າ, ການນຳ 2 ທ່ານໄດ້ເຫັນດີເພີ່ມທະວີການພົວພັນດ້ານການເມືອງ ຜ່ານການແລກປ່ຽນຄະນະຜູ້ແທນທຸກຂັ້ນ; ຍູ້ແຮງການເຄື່ອນໄຫວພົວພັນການຕ່າງປະເທດປະຊາຊົນ, ແຮກສ່ຽວລະຫວ່າງບັນດານະຄອນໃຫຍ່ ເພື່ອແນໃສ່ຍົກສູງຄວາມເຂົ້າໃຈເຊິ່ງກັນ ແລະ ກັນລະຫວ່າງປະຊາຊົນ 2 ປະເທດກວ່າອີກ; ສືບຕໍ່ຜັນຂະຫຍາຍບັນດາໂຄງການຮ່ວມມືດ້ານກະສິກຳຕາມຮູບແບບ 3 ຝ່າຍ, ຜ່ານການເຊື່ອມຕໍ່ 2 ຝ່າຍ ແລະ ຮຽກຮ້ອງການເຂົ້າຮ່ວມຂອງພາກເອກະຊົນໃນຂົງເຂດນີ້. 2 ຝ່າຍເຫັນດີຈະຊີ້ນຳບັນດາກະຊວງ, ຂະແໜງການ ຕັ້ງໜ້າສົມທົບກັນ, ສ້າງແຜນການລະອຽດເພື່ອແນໃສ່ຊຸກຍູ້ການຮ່ວມມືໃນບັນດາຂົງເຂດຄື: ການລົງທຶນ, ການຄ້າ, ການສຶກສາ - ບຳລຸງສ້າງ, ສາທາລະນະສຸກ...
2 ຝ່າຍຢືນຢັນຈະສືບຕໍ່ຮ່ວມມືຢ່າງແໜ້ນແຟ້ນໃນບັນດາເວທີປາໄສພາກພື້ນ ແລະ ສາກົນໃນຂອບເຂດຮ່ວມມືໃຕ້ - ໃຕ້, ປະກອບສ່ວນສ້າງໂລກແຫ່ງຍຸຕິທຳ, ມີປະຊາທິປະໄຕກວ່າ, ເພືອ່ສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາ.
ພາຍຫຼັງການເຈລະຈາຢ່າງເປັນທາງການ, ການນຳ 2 ທ່ານ ໄດ້ເປັນສັກຂີພິຍານພິທີລົງນາມບັນດາເອກະສານຮ່ວມມືລະຫວ່າງ 2 ປະເທດໃນຂົງເຂດການຕ່າງປະເທດ ແລະ ກະສິກຳ.