(ພາບ: truongtansang.net)
(vovworld)- ວັນທີ 3/5, ທ່ານປະທານປະເທດຫວຽດນາມ ເຈືອງເຕີນຊາງ ໄດ້ຝາກໂທລະເລກຢ້ຽມຢາມຖາມຂ່າວ, ລະດົມກຳລັງໃຈຄອບຄົວນ້ອງຫງວຽນວັນນາມ, ນັກຮຽນມັດທະຍົມຕອນປາຍຢູ່ເມືອງໂດເລືອງ ແຂວງເງະອານ ຊື່ງໄດ້ເສຍສະຫລະຊີວິດເພື່ອກູ້ເອົາຊີວິດເດັກນ້ອຍ 5 ຄົນລອດຕາຍດຶກນ້ຳເມື່ອວັນທີ 30/4 ຜ່ານມາ. ໃນຈົດໝາຍ, ປະທານປະເທດຫວຽດນາມ ເຈືອງເຕີນຊາງ ຊີ້ແຈງວ່າ: ຂ້າພະເຈົ້າມີຄວາມຕື້ນຕັນໃຈທີ່ສຸດ ຕໍ່ການກະທຳຢ່າງພິລະອາດຫານຂອງນ້ອງຫງວຽນວັນນາມ. ນ້ອງແມ່ນແບບຢ່າງທີ່ດີເດັ່ນໃຫ້ຊາວໜຸ່ມເຍົາວະຊົນທົ່ວປະເທດຮ່ຳຮຽນຕາມ. ຂ້າພະເຂົ້າຂໍແບ່ງປັນຄວາມເສົ້າສະຫຼົດໃຈມາຍັງຄອບຄົວນ້ອງຫງວຽນວັນນາມ ແລະ ຂໍໃຫ້ພໍ່ແມ່, ຍາດຕິພີ່ນ້ອງຂອງນ້ອງ ຈົ່ງຜ່ານຜ່າຄວາມເສຍຫາຍເຈັບປວດນີ້ ແລະ ມີຄວາມເອກອ້າງທະນົງໃຈກ່ຽວກັບນ້ອງ ຜູ້ທີມີເມຕາຈິດ, ເສຍສະເຫຼະຊີວິດເພື່ອກູ້ເອົາຊີວິດຄົນ.