ປະທນປະເທດເຈີ່ນດ້າຍກວາງພົບປະສັງສັນກັບບັນດາ
ສາດສະດາຈານ,ຮອງສາດສະດາຈານຄົນໃໝ່
(ພາບປະຊາຊົນ)
(vovworld) – ຕອນບ່າຍວັນທີ 05/11, ກ່າວຄຳເຫັນທີ່ການພົບປະສັງສັນກັບບັນດາສາດສະດາຈານ, ຮອງສາດສະດາຈານຄົນໃໝ່ ຊຶ່ງຫາກໍ່ໄດ້ຮັບການຮັບຮູ້ບັນລຸມາດຕະຖານຖານະຕຳແໜ່ງສາດສະດາຈານ, ຮອງສາດສະດາຈານປີ 2016. ທ່ານປະທານປະເທດ ຫວຽດນາມ ເຈີ່ນດ້າຍກວາງ ຊີ້ແຈ້ງວ່າ: ພັກ, ລັດ ຍາມໃດກໍ່ເອົາໃຈໃສ່ເຖິງພາລະກິດສ້າງ, ພັດທະນາຖັນແຖວນັກປັນຍາຊົນ. ທ່ານປະທານປະເທດເນັ້ນໜັກເຖິງ ການສອນ, ເຜືອຍແຜ່ຄວາມຮູ້, ຄົ້ນພົບ, ບຳລຸງສ້າງ ຝຶກອົບຮົມຜູ້ມີຄວາມເກັ່ງກ້າສາມາດ, ພັດທະນາແຫຼ່ງຊັບພະຍາກອນມະນຸດມີຄຸນນະພາບ ສູງຮັບໃຊ້ພາລະກິດຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝ ແລະ ເຊື່ອມໂຍງເຂົ້າກັບສາກົນ. ທ່ານປະທານປະເທດ ເຈີ່ນດ້າຍກວງ ຫວັງວ່າ.
“ຂ້າພະເຈົ້າປາດຖະໜາຢາກບັນດາສາດສະດາຈານ, ຮອງສາດສະດາຈານ ດ້ວຍຄວາມສຸດຈິດສຸດໃຈ, ມານະຈິດ, ສະຕິປັນຍາ, ກຽດສັກສີ ແລະ ຄວາມຮັບຜິດຊອບຂອງຕົນ, ຝຶກຝົນຫຼໍ່ຫຼອມຢ່າງບໍ່ຢຸດຢັ້ງ, ສູ້ຊົນ, ສົມເປັນແບບຢ່າງດີເດັ່ນໃນການຮ່ຳຮຽນ, ອອກແຮງງານມີຫົວຄິດປະດິດສ້າງ ເພື່ອໃຫ້ເພື່ອນຮ່ວມອາຊີບ, ນັກຮຽນ, ຄອບຄົວ ແລະ ສັງຄົມປະຕິບັດຕາມ; ພ້ອມທັງ ນັບມື້ນັບມີການປະກອບສ່ວນຫລາຍຢ່າງໃຫ້ແກ່ພາລະກິດການສຶກສາ - ບຳລຸງສ້າງ ແລະ ວິທະຍາສາດ - ເຕັກໂນໂລຢີຢ່າງແທດຈິງ, ມີປະສິດທິຜົນ”
ເນື່ອງໃນໂອກາດນີ້ ທ່ານປະທານປະເທດ ເຈີ່ນດ້າຍກວາງ ສະເໜີສະພາສາດສະດາຈານແຫ່ງລັດ ຄວນມີບັນດາການສະເໜີ ທີ່ມີລັກສະນະວິທະຍາສາດ ແລະ ລັກສະນະພຶດຕິກຳຕົວຈິງສູງກ່ຽວກັບມາດຕະຖານ, ວິທີຕີລາຄາ, ວິທີຮັບຮູ້…ເພື່ອວຽກງານນີ້ ເໝາະສົມກັບຄວາມຮຽກຮ້ອງພັດທະນາ; ສືບຕໍ່ຍົກສູງຄຸນນະພາບຖັນແຖວສາດສະດາຈານ, ຮອງສາດສະດາຈານເໝາະສົມກັບມາດຖານສາກົນ, ສົມກັບນາມມະຍົດສູງສົ່ງ ຊຶ່ງລັດຮັບຮອງ, ປະຊາຊົນເຊີດຊູ.