ປະທານປະເທດເຈືອງ ເຕິນຊາງຢ້ຽມຢາມແລະ ເຮັດວຽກຢູ່ແຂວງຢາລາຍ
(ພາບ: vov)
(vovworld)- ວັນທີ 21-22/9, ທ່ານປະທານປະເທດເຈືອງເຕິນຊາງ ໄດ້ໄປປະຕິງານຢູ່ແຂວງຢາລາຍ ເພື່ອຊອກຮູ້ສະພາບພັດທະນາເສດຖະກິດສັງຄົມ ແລະ ການປ້ອງກັນຊາດປ້ອງກັນຄວາມສະຫງົບໃນບໍລິເວນແຂວງ. ທີ່ນະຄອນປໄລກູ, ແຂວງຢາລາຍ, ທ່ານປະທານປະເທດເຈືອງເຕິນຊາງ ໄດ້ໄປວາງພວງມາລາຢູ່ສະໜາມຫຼວງສາມັກຄີ ຊື່ງມີກິດຈະກຳອະນຸສາວະລີປະທານໂຮ່ຈິມິນ ກັບບັນດາຊົນເຜົ່າໄຕງວຽນ.
ທ່ານປະທານປະເທດເຈືອງເຕິນຊາງ ໄດ້ໄປຢ້ຽມຢາມເມືອງ ກບາງ, ນະທີ່ນີ້, ທ່ານໄດ້ຕີລາຄາສູງຄວາມຕັດສິນໃຈຂອງພໍ່ແມ່ປະຊາຊົນໃນການກໍ່ສ້າງຊົນນະບົດໃໝ່, ທ່ານໃສ່ໃຈວ່າ:
“ຕ້ອງສ້າງທຸກເງື່ອນໄຂອຳນວຍຄວາມສະດວກເພື່ອໃຫ້ປະຊາຊົນມີທີ່ດິນທຳການຜະລິດ. ບໍ່ມີສາຍເຫດໃດເພື່ອໃຫ້ປະຊາຊົນຂາດທີ່ດິນທຳການຜະລິດ. ຂ້າພະເຈົ້າຂໍເນັ້ນໜັກວ່າຕ້ອງສ້າງທຸກເງື່ອນໄຂອຳນວຍຄວາມສະດວກທີ່ສຸດ, ບຸລິມະສິດອັນດັບ 1 ເພື່ອໃຫ້ປະຊາຊົນມີທີ່ດິນທຳການຜະລິດ ແລະ ຕ້ອງຂົນຂວາຍປະຊາຊົນບໍ່
ໄດ້ຂາຍທີ່ດິນ, ຮັກສາທີ່ດິນເພື່ອທຳການຜະລິດ“.
ເມື່ອເຮັດວຽກກັບການນຳແຂວງຢາລາຍ, ທ່ານປະທານປະເທດເຈືອງເຕິນຊາງ ຖືວ່າ, ຢາລາຍ ຕ້ອງຖືການພັດທະນາເສດຖະກິດກະສິກຳ, ປ່າໄມ້ເປັນສຳຄັນ. ທ່ານສະເໜີຕ້ອງສຸມໃສ່ບັນດາມາດຕະການ, ຕິດພັນກັບບັນດາໂຄງການໜູນຊ່ວຍຢ່າງສຸດຂີດ ເພື່ອຍົກສູງຊີວິດດ້ານວັດຖຸ, ຈິດໃຈໃຫ້ແກ່ປະຊາຊົນ./.