ປະທານປະເທດເຈືອງເຕິນ ຊາງໃຫ້ການຕ້ອນຮັບ ປະທານສະພາສູງ ອາເມລິກາ Patrick Leahy
(ພາບ: TTXVN)
(vovworld)- ທີ່ການຕ້ອນຮັບທ່ານປະທານສະພາສູງອາເມລິກາ Patrick Leahy ເມື່ອຕອນເຊົ້າວັນທີ 18/4, ຢູ່ສຳນັກງານປະທານປະເທດ, ທ່ານປະທານປະເທດເຈືອງເຕິນຊາງ ຢືນຢັນວ່າ: ຫວຽດນາມ ຖືການພັດທະນາການພົວພັນຮອບດ້ານກັບອາເມລິກາ ເປັນສຳຄັນທີ່ສຸດ, ຍາມໃດກໍ່ຖືວ່າ: ອາເມລິກາ ແມ່ນຄູ່ຮ່ວມມືສຳຄັນອັນດັບໜຶ່ງ. ທ່ານປະທານປະເທດເຈືອງເຕິນຊາງ ສະເໜີສະພາແຫ່ງຊາດອາເມລິກາ ຈົ່ງສະໜັບສະໜູນເປີດປະຕູໃຫ້ສິນຄ້າຫວຽດນາມ; ຫລຸດຜ່ອນບັນດາຮົ້ວກີດຂວາງດ້ານການຄ້າ, ຮັບຮອງຫວຽດນາມ ມີພື້ນຖານເສດຖະກິດການຕະຫຼາດໂດຍໄວ, ສະໜັບສະໜູນການເຈລະຈາສັນຍາ TPP…
ສ່ວນທ່ານປະທານສະພາສູງອາເມລິກາ Patrick Leahy ຖືວ່າ: ການພົວພັນລະຫວ່າງຫວຽດນາມ-ອາເມລິກາ ໄດ້ມີບາດກ້າວພັດທະນາທີ່ໜ້າຊື່ນຊົມ, ແທດຈິງ, ມີປະສິດທິຜົນກ່ວາໃນຫຼາຍຂົງເຂດ, ໂດຍສະເພາະແມ່ນພາຍຫຼັງການພົວພັນຄູ່ຮ່ວມມືຮອບດ້ານລະຫວ່າງສອງປະເທດໄດ້ຮັບການສ້າງຕັ້ງຂຶ້ນ. ທ່ານ Patrick Leahy ຢືນຢັນວ່າ: ຍາມໃດ, ອາເມລິກາ ກໍ່ປາດຖະໜາຢາກເພີ່ມທະວີການຮ່ວມມືກັບຫວຽດນາມ ຢ່າງມີປະສິດທິຜົນກ່ວາອີກ, ພິເສດແມ່ນໃນຂົງເຂດເສດຖະກິດ, ການຄ້າ, ການລົງທຶນ, ວິທະຍາສາດເຕັກໂນໂລຊີ, ການສຶກສາບຳລຸງສ້າງ, ສົມທົບກັນແກ້ໄຂບັນດາຜົນຮ້າຍຢ້ອນຫຼັງຈາກສົງຄາມ./.