(vovworld) – ວັນທີ 19/10, ຢູ່ຮ່າໂນ້ຍ, ທ່ານປະທານປະເທດ ເຈືອງເຕີນຊາງ ໄດ້ໃຫ້ການຕ້ອນຮັບທ່ານ Jeffrey Immelt, ປະທານສະພາຄຸ້ມຄອງ, ທັງເປັນຜູ້ອຳນວຍການໃຫຍ່ກຸ່ມບໍລິສັດ General Electric (GE), ອາເມລິກາ, ປະທານຄະນະກຳມະການແກ່ງແຍ່ງ ແລະ ວຽກເຮັດງານທຳຂອງປະທານາທິບໍດີອາເມລິກາ. ທ່ານປະທານປະເທດ ເຈືອງເຕີນຊາງ ໄດ້ຕີລາຄາສູງເລື່ອງກຸ່ມບໍລິສັດ GE ໄດ້ມີບັນດາການເຄື່ອນໄຫວເປີດກວ້າງການດຳເນີນທຸລະກິດຢູ່ຫວຽດນາມ ແລະ ໄດ້ມີການປະກອບສ່ວນໃຫ້ພື້ນຖານເສດຖະກິດຫວຽດນາມ ຢ່າງຕັ້ງໜ້າ, ໂດຍສະເພາະແມ່ນໃນບັນຂົງເຂດສາທາລະນະສຸກ, ພະລັງງານ, ກໍ່ສ້າງ ແລະ ຜະລິດເຮືອບິນ. ແບ່ງປັນກ່ຽວກັບສັນຍາຄູ່ຮ່ວມມືຂ້າມປາຊີຟິກ, ກໍຄືບາງສັນຍາການຄ້າສາກົນ ເຊິ່ງຫວຽດນາມ ເຂົ້າຮ່ວມ, ທ່ານປະທານປະເທດ ໃຫ້ຮູ້ວ່າ, ພ້ອມກັບເລື່ອງມີເງື່ອນໄຂພັດທະນາເສດຖະກິດຢ່າງຂະຫຍັນຂັນເຄື່ອນກວ່າອີກນັ້ນ, ຫວຽດນາມ ພວມມານະພະຍາຍາມກະກຽມເພື່ອຮັບມື ແລະ ປາດຖະໜາຢາກໄດ້ຮັບການໜູນຊ່ວຍຈາກບັນດາຄູ່ຮ່ວມມື ເຊິ່ງພວມຮ່ວມເດີນທາງພ້ອມກັບການພັດທະນາຂອງຫວຽດນາມ, ເພື່ອມີບາດກ້າວພັດທະນາສູງກວ່າ ເມື່ອເຂົ້າຮ່ວມບັນດາລະບອບການຄ້າໃໝ່.