ປະທານປະເທດເຈືອງເຕີນຊາງຕ້ອນຮັບຄະນະຜູ້ແທນອະດີດ
ນັກຮົບກອງພົນ324
(ພາບ: NGUYỄN KHANG /TTXVN)
|
(vovworld) – ທີ່ການຕ້ອນຮັບໃນຕອນບ່າຍວັນທີ 24/6, ທ່ານປະທານປະເທດ ຫວຽດນາມ ເຈືອງເຕີນຊາງ ໄດ້ອວຍພອນຄະນະຜູ້ແທນຂັ້ນສູງອະດີດນັກຮົບກອງພົນ 324 ເນື່ອງໃນໂອກາດກະກຽມສະເຫຼີມສະຫຼອງ 60 ປີແຫ່ງວັນສ້າງຕັ້ງກອງພົນ. ເມື່ອທົບທວນຄືນບັນດາໄຊຊະນະອັນພິລະອາດຫານຂອງກອງພົນ, ທ່ານປະທານປະເທດ ເຈືອງເຕີນຊາງ ເນັ້ນໜັກວ່າ: ພັກ, ລັດ ຍາມໃດກໍ່ຈົດຈຳ, ເຄົາລົບ, ຕີລາຄາສູງບັນດາຄຸນງາມຄວາມດີອັນໃຫຍ່ຫຼວງ, ການເສຍສະຫຼະຂອງບັນດາອະດີດນັກຮົບຂອງກອງພົນໃນອະດິດຕະການ ແລະ ປະຈຸບັນ, ພ້ອມທັງຢັ້ງຢືນວ່າ: ພັກ, ລັດ ຈະສ້າງທຸກເງື່ອນໄຂ, ໜູນຊ່ວຍຫຼາຍກົນໄກນະໂຍບາຍພິເສດໃຫ້ຂອງບັນດາຜູ້ມີຄຸນງາມຄວາມດີຕໍ່ປະເທດຊາດເວົ້າລວມ, ແລະ ບັນດາອະດີດນັກຮົບຂອງກອງພົນເວົ້າສະເພາະ. ບົນຈິດໃຈນັ້ນ, ທ່ານປະທານປະເທດ ສະເໜີໃຫ້ບັນດາອະດີດນັກຮົບກອງພົນ 324 ຍາມໃດກໍ່ເສີມຂະຫຍາຍພຸມປັນຍາ, ອິດທິພົນຊື່ສຽງ, ມູນເຊື້ອອັນສະຫງ່າລາສີຂອງກອງພົນ, ສົມກັບນາມມະຍົດ “ທະຫານລຸງໂຮ່”, ແມ່ນແບບຢ່າງທີ່ເຫຼື້ອມໃສເພື່ອໃຫ້ລຸ້ນໜຸ່ມຮຳ່ຮຽນ, ປະຕິບັດຕາມ, ປະກອບສ່ວນພ້ອມກັບທ້ອງຖິ່ນສ້າງສາບ້ານເກີດເມືອງນອນ, ປະເທດຊາດໃຫ້ນັບມື້ນັບຮັ່ງມືເຂັ້ມແຂງ, ສີວິໄລ.