(vovworld) – ຕອນເຊົ້າວັນທີ 24/02, ຢູ່ເຂດປູຊະນີຍະສະຖານປະຫວັດສາດພິເສດແຫ່ງຊາດວິຫານຮຸ່ງ, ທ່ານປະທານປະເທດຫວຽດນາມ ເຈືອງເຕີນຊາງ ໄດ້ມາຖະຫວາຍທູບທຽນ, ອາໄລຫາ ແລະ ສະແດງຄວາມຮູ້ບຸນຄຸນຕໍ່ຄຸນງາມຄວາມດີຂອງບັນດາເຈົ້າຊີວິດຮຸ່ງ ທີ່ໄດ້ກໍ່ຕັ້ງຊາດ ແລະ ປຸກລະດົມ “ວັນບຸນປູກຕົ້ນໄມ້ຮູ້ບູນຄຸນຂອງປະທານໂຮ່ຈິມິນ ລະດູບານໃໝ່ປີມະແມ 2015”. ກ່າວຄຳເຫັນທີ່ພິທີປຸກລະດົມ, ທ່ານປະທານປະເທດ ເຈືອງເຕີນຊາງ ເນັ້ນໜັກວ່າ: ວັນບຸນປູກຕົ້ນໄມ້ແມ່ນຮີດຄອງປະເພນີອັນດີງາມຂອງປະຊາຊົນຫວຽດນາມ ໃນຊຸມມືບຸນເຕັດ, ຕ້ອນຮັບບຸນປີໃໝ່.ໃນຊຸມປີຜ່ານມາ, ຂະບວນການປູກຕົ້ົນໄມ້ໃນຍາມບຸນເຕັດບັນລຸໄດ້ບັນດາຜົນງານອັນໃຫຍ່ຫຼວງ. ທ່ານປະທານປະເທດ ກໍ່ສະເໜີໃຫ້ອົງຄະນະພັກ ແລະ ອຳນາດການປົກຄອງທ້ອງຖິ່ນ, ບັນດາກະຊວງ, ຂະແໜງການ, ແນວໂຮມປະເທດຊາດ ແລະ ໝູ່ຄະນະຂັ້ນສູນກາງ ໂຄສະນາຢ່າງເລິກເຊິ່ງ, ກ້ວາງຂວາງດ້ວຍຫຼາຍຮູບຫຼາຍແບບເຖິງໝູ່ປະຊາຊົນ ກ່ຽວກັບຈຸດໝາຍຂອງວັນບຸນປູກຕົ້ນໄມ້… ທ່ານປະທານປະເທດ ເຈືອງເຕີນຊາວ ກວ່າວ່າ.
“ຂ້າພະເຈົ້າຮຽກຮ້ອງໃຫ້ປະຊາຊົນໃນທົ່ວປະເທດ ພ້ອມກັນແຂ່ງຂັນເຂົ້າຮ່ວມການປູກຕົ້ນໄມ້, ທຸກຄົນ, ທຸກຄອບຄົວລ້ວນແຕ່ປູກຕົ້ນໄມ້, ພ້ອມທັງຕັ້ງໜ້າເຂົ້າຮ່ວມການປູກປ່າ, ປົກປັກຮັກສາປ່າ, ສະກັດກັ້ນການຕັດໄມ້ທຳລາຍປ່າ, ຂຸດຄົ້ນປ່າຢ່າງຜິດກົດໝາຍ. ຖ້າພວກເຮົາເຮັດສິ່ງດັ່ງກ່າວໄດ້ດີ ແລະ ປະຕິບັດຕາມຄຳສັງສອນຂອງປະທານໂຮ່ຈິມິນ, ທັງປະກອບສ່ວນເຂົ້າໃນການພັດທະນາເສດຖະກິດ, ສັງຄົມ, ລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ຍົກສູງລາຍຮັບ, ຍົກສູງຄຸນນະພາບການດຳລົງຊີວິດໃຫ້ປະຊາຊົນ ແລະ ທັງຮັກສາໄດ້ສິ່ງແວດລ້ອມໃຫ້ລຸ້ນລູກລຸ້ນຫຼານໃນອະນາຄົດອີກດ້ວຍ”.