ປະທານປະເທດເຈືອງເຕີນຊາງມອບຂໍ້ຕົກລົງເລື່ອນຊັ້ນຈຳແໜ່ງເປັນພົນເອກ
(ທ່ານປະທານປະເທດເຈືອງເຕີນຊາງ
ມອບຂໍ້ຕົກລົງເລື່ອນຊັ້ນຈຳແໜ່ງເປັນພົນເອກ)
(vovworld) – ຕອນບ່າຍວັນທີ 05/10, ຢູ່ຮ່າໂນ້ຍ, ທ່ານປະທານປະເທດ ເຈືອງເຕີນຊາງ ໄດ້ມອບຂໍ້ຕົກລົງເລື່ອນຊັ້ນຕຳແໜ່ງຈາກພົນໂທ ຂຶ້ນເປັນພົນເອກໃຫ້ທ່ານ ໂງຊວນລິກ, ເລຂາສູນກາງພັກ, ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ແລະ ທ່ານ ໂດ້ບ໋າຕິ້, ກຳມະການສູນກາງພັກ, ເສນາທິການໃຫຍ່, ລັດຖະມົນຕີຊ່ວຍວ່າການກະຊວງປ້ອງກັນປະເທດ. ທ່ານປະທານປະເທດ ເຈືອງເຕີນຊາງ ຢືນຢັນວ່າ, ເລື່ອງພັກ, ລັດ ເລື່ອນຊັ້ນຈຳແໜ່ງເປັນພົນເອກສຳລັບທ່ານ ໂງຊວນລິກ ແລະ ທ່ານ ໂດ້ບ໋າຕິ້ ແມ່ນສະແດງໃຫ້ເຫັນຄວາມເອົາໃຈໃສ່ຢ່າງເລິກເຊິ່ງ, ຄວາມໄວ້ເນື້ອເຊື່ອໃຈຂອງພັກ, ລັດ ແລະ ປະຊາຊົນທີ່ມີຕໍ່ກອງທັບ. ທ່ານປະທານປະເທດເນັ້ນໜັກວ່າ, ໂດຍແມ່ນບັນດາພະນັກງານນາຍທະຫານຂັ້ນສຸງສຸດ, ຜູ້ຮັບບັນດາໜ້າທີ່ສຳຄັນຂອງພັກ, ລັດ ແລະ ກອງທັບປະຊາຊົນຫວຽດນາມ ພົນເອກ ໂງຊວນລິກ ແລະ ພົນເອກ ໂດ້ບ໋າຕິ້ ຕ້ອງສືບຕໍ່ເສີມຂະຫຍາຍກຳລັງຄວາມສະມາດ, ພູມປັນຍາ ແລະ ຄຸນນະທາດຂອງຕົນກວ່າອີກ ເພື່ອປະຕິບັດໜ້າທີ່ໃນໄລຍະໃໝ່ໃຫ້ເປັນຢ່າງດີ.