(vovworld) - ໃນຂອບເຂດລາຍການຢ້ຽມຢາມມິດຕະພາບຫວຽດນາມ ຢ່າງເປັນທາງການ, ວັນທີ 10/11, ຢູ່ຮ່າໂນ້ຍ, ທ່ານ ຈາງເຕີຈຽງ, ກຳມະການກົມການເມືອງ, ປະທານສະພາຜູ້ແທນປະຊາຊົນແຫ່ງຊາດ ຈີນ ໄດ້ໄປຢ້ຽມຢາມ, ສຳຫຼວດໂຄງການກໍ່ສ້າງຫໍມິດຕະພາບຫວຽດນາມ - ຈີນ. ກິດຈະກຳຫໍມິດຕະພາບຫວຽດນາມ - ຈີນ ແມ່ນສັນຍາລັກເປັນຂີດໝາຍຂອງການພົວພັນອັນດີງາມລະຫວ່າງຫວຽດນາມ ແລະ ຈີນ ໃນໄລຍະໃໝ່. ເມື່ອໄດ້ຮັບການກໍ່ສ້າງສຳເລັດ, ຫໍມິດຕະພາບຫວຽດນາມ - ຈີນ ຈະແມ່ນສະຖານທີ່ພົບປະແລກປ່ຽນວັດທະນະທຳຢ່າງຟົດຟື້ນລະຫວ່າງ 2 ປະເທດ.
ກ່າວຄຳເຫັນນະທີ່ນີ້, ທ່ານ ຈາງເຕີຈຽງ ຢືນຢັນວ່າ, ຫໍມິດຕະພາບຫວຽດນາມ - ຈີນ ແມ່ນສັນຍາລັກເພີ່ມພູນຄູນສ້າງນ້ຳໃຈມິດຕະພາບລະຫວ່າງ 2 ປະເທດ. ທ່ານສະເໜີໃຫ້ຝ່າຍຫວຽດນາມ ສົມທົບກັນຢ່າງແໜ້ນແຟ້ນ, ສ້າງເງື່ອນໄຂດີທີ່ສຸດໃຫ້ນັກຮັບເໝົາຈີນ ຜັນຂະຫຍາຍຢ່າງສະດວກ, ພ້ອມທັງມີແຜນການຄຸ້ມຄອງ, ຂຸດຄົ້ນ, ນຳໃຊ້ກິດຈະກຳນີ້ຢ່າງມີປະສິດທິຜົນ.