(vovworld)- ຕອນບ່າຍວັນທີ 15/9, ພາຍຫຼັງມາຮອດນະຄອນຫຼວງ ວຽງຈັນ ເຂົ້າຮ່ວມກອງປະຊຸມລັດຖະສະພາລະຫວ່າງຊາດອາຊຽນ ຄັ້ງທີ 35 ( AIPA-35), ທ່ານປະທານສະພາແຫ່ງຊາດ ຫງວຽນຊີງຮຸ່ງ ໄດ້ພົບປະເຈລະຈາກັບທ່ານນາຍົກລັດຖະມົນຕີລາວ ທອງສິງ ທຳມະວົງ. ທ່ານປະທານສະພາແຫ່ງຊາດ ຫງວຽນຊີງຮຸ່ງ ຕີລາຄາສູງນະໂຍບາຍການຕ່າງປະເທດຫຼາຍຮູບຫຼາຍແບບ ແລະ ຫຼາຍຝ່າຍ, ກໍ່ຄືວິວັດການເຊື່ອມໂຍງເຂົ້າກັບສາກົນ ແລະ ພາກພື້ນຂອງລາວ ເພື່ອແນໃສ່ຮັບປະກັນສະພາບແວດລ້ອມສັນຕິພາບ, ພັດທະນາປະເທດຊາດ, ເຊື່ອໜັ້ນວ່າລາວຈະຈັດຕັ້ງກອງປະຊຸມລັດຖະສະພາລະຫວ່າງຊາດອາຊຽນ ຄັ້ງທີ 35 ສຳເລັດຜົນ. ທ່ານປະທານສະພາແຫ່ງຊາດ ຫງວຽນຊີງຮຸ່ງ ຢັ້ງຢືນວ່າ: ສະພາແຫ່ງຊາດຫວຽດນາມ ຈະຍູ້ແຮງວຽກງານຕິດຕາມກວດກາ, ຊຸກຍູ້ລັດຖະບານຊີ້ນຳນຳພາບັນດາກະຊວງ, ຂະແໜງການ, ທ້ອງຖີ່ນຂອງຫວຽດນາມເພີ່ມທະວີການຮ່ວມມືດ້ານເສດຖະກິດ, ການສຶກສາບຳລຸງສ້າງ, ການປ້ອງກັນຊາດ, ປ້ອງກັນຄວາມສະຫງົບກັບລາວ ເພື່ອນຳສາຍພົວພັນ 2 ປະເທດໃຫ້ເຂົ້າສູ່ລວງເລິກ, ມີປະສິດທິຜົນ, ກໍ່ຄືປັບປຸງຄວາມສາມັກຄີແບບພິເສດ ລະຫວ່າງ 2 ປະເທດ ຫວຽດນາມ-ລາວ.