(ທ່ານປະທານສະພາແຫ່ງຊາດ ຫວຽດນາມ ຫງວຽນຊິງຮຸ່ງ
ເດີນທາງອອກຈາກ ຮ່າໂນ້ຍ ເຖິງນະຄອນຫລວງ ປັກກິ່ງ)
(vovworld) – ຕອນເຊົ້າວັນທີ 23/12 ທ່ານປະທານສະພາແຫ່ງຊາດ ສາທາລະນະລັດ ສັງຄົມນິຍົມ ຫວຽດນາມ ຫງວຽນຊິງຮຸ່ງ, ກຳມະການກົມການເມືອງສູນກາງພັກກອມມູນິດ ຫວຽດນາມ ນຳໜ້າຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ, ເດີນທາງອອກຈາກ ຮ່າໂນ້ຍ ເຖິງນະຄອນຫລວງ ປັກກິ່ງ ເລີ່ມຕົ້ນການຢ້ຽມຢາມມິດຕະພາບ ປະເທດສາທາລະນະລັດ ປະຊາຊົນ ຈີນ ຢ່າງເປັນທາງການແຕ່ວັນທີ 23 – 27/12/2015. ການຢ້ຽມຢາມໄດ້ຮັບການປະຕິບັດຕາມຄຳເຊີນຂອງທ່ານ ຈາງຕິຈຽງ, ກຳມະການຜູ້ປະຈຳການກົມການເມືອງ, ປະທານສະພາແຫ່ງຊາດ ຈີນ, ໃນສະພາບທີ່ 2 ປະເທດພວມຈັດຕັ້ງການເຄື່ອນໄຫວຫລາຍຢ່າງ ເພື່ອສະເຫຼີມ ສະຫຼອງ 65 ປີແຫ່ງວັນສ້າງຕັ້ງການພົວພັນທາງການທູດ. ໃນຂອບເຂດການຢ້ຽມຢາມ, ທ່ານປະທານສະພາແຫ່ງຊາດ ຫງວຽນຊິງຮຸ່ງ ແລະ ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ຈະມີບັນດາການເຈລະຈາ, ພົບປະກັບການນຳຂັ້ນສູງຂອງພັກ, ລັດ ຈີນ. ຄະນະຜູ້ແທນກໍ່ຈະໄປຢ້ຽມຢາມບາງສະຖານທີ່ປະຫວັດສາດທີ່ຕິດພັນກັບນ້ຳໃຈມິດຕະພາບທີ່ເປັນມູນເຊື້ອ ສະໜິດຕິດພັນລະຫວ່າງ 2 ພັກ, 2 ລັດ ແລະ ປະຊາຊົນ 2 ປະເທດ ຫວຽດນາມ - ຈີນ.