(vovworld) - ໂດຍໄດ້ຮັບຄຳເຊີນຂອງທ່ານປະທານປະເທດ ສສ ຫວຽດນາມ Truong Tan Sang, ທ່ານປະທານາທິບໍດີ ສ. ປານາມາ Ricardo Martinelli Berrocal ໄດ້ເດີນທາງມາຮອດຮ່າໂນ້ຍ, ເລີ່ມຕົ້ນການຢ້ຽມຢາມຫວຽດນາມ ຢ່າງເປັນທາງການ ໃນລະຫວ່າງວັນທີ 24 – 27/10. ນີ້ແມ່ນການຢ້ຽມຢາມຫວຽດນາມ ຂັ້ນປະມຸກລັດຄັ້ງທຳອິດຂອງລັດປານາມາ ນັບແຕ່ສອງປະເທດສ້າງຕັ້ງສາຍພົວພັນທາງການທູດຄືວັນທີ 28/8/1975. ການຢ້ຽມຢາມໄດ້ດຳເນີນໄປໃນສະຖານະການທີ່ຫວຽດນາມ ແລະ ປານາມາ ບັນລຸໄດ້ບັນດາຜົນງານທີ່ສຳຄັນຫຼາຍຢ່າງ ໃນບັນດາຂົງເຂດພັດທະນາເສດຖະກິດ, ສັງຄົມ ແລະ ເຊື່ອມໂຍງເຂົ້າກັບສາກົນ. ໃນການຢ້ຽມຢາມຄັ້ງນີ້, ການນຳສອງປະເທດຈະແລກປ່ຽນບັນດາຄວາມສາມາດ ແລະ ມາດຕະການເພີ່ມທະວີການຮ່ວມມືໃນບັນດາຂົງເຂດທີ່ເໝາະສົມກັບຄວາມສາມາດບົ່ມຊ້ອນ ແລະ ທ່າແຮງຂອງແຕ່ລະຝ່າຍ; ຜັນຂະຫຍາຍການປະຕິບັດບັນດາຂໍ້ຕົກລົງເຊິ່ງໄດ້ລົງນາມໃນຂົງເຂດຕ່າງໆຄື ກະສິກຳ, ວິທະຍາສາດ, ເຕັກນິກ, ການເດີນທະເລ… ຮັບໃຊ້ພາລະກິດສ້າງສາ ແລະ ພັດທະນາຢູ່ແຕ່ລະປະເທດຢ່າງແທດຈິງ.