ປະທານາທິບໍດີ ເບລາຣຸດ ພ້ອມແລ້ວທີ່ຈະເປັນຜູ້ເປັນກາງໃຫ້ແກ່ການເຈລະຈາສ້າງສັນຕິພາບລະຫວ່າງ ລັດເຊຍ - ຢູແກຼນ
(VOVWORLD) - ທ່ານປະທານາທິບໍດີ ເບລາຣຸດ Alexander Lukashenko ຖືວ່າ ການເຈລະຈາກ່ຽວກັບ ຢູແກຼນ ໄດ້ເຂົ້າສູ່ສະພາບການຈົນຕາແຈ ແຕ່ຍັງມີກາລະໂອກາດຊອກຫາວິທີການແກ້ໄຂໄດ້
 ທ່ານປະທານາທິບໍດີ ເບລາຣຸດ Alexander Lukashenko (ພາບ: TTXVN) |
ວັນທີ 6 ກໍລະກົດ, ໃນບົດກ່າວປາໄສຢູ່ Minsk, ທ່ານປະທານາທິບໍດີ ເບລາຣຸດ Alexander Lukashenko ປະກາດວ່າ ທ່ານພ້ອມແລ້ວທີ່ຈະເປັນຜູ້ເປັນກາງໃນການເຈລະຈາ ສ້າງສັນຕິພາບ ຢູ່ຢູແກຼນ ຖ້າ ລັດເຊຍ ແລະ ຢູແກຼນ ເຫັນວ່າມີຄວາມຈຳເປັນ.
ທ່ານ Lukashenko ຖືວ່າ ການເຈລະຈາກ່ຽວກັບ ຢູແກຼນ ໄດ້ເຂົ້າສູ່ສະພາບການຈົນຕາແຈ ແຕ່ຍັງມີກາລະໂອກາດຊອກຫາວິທີການແກ້ໄຂໄດ້. ຕາມທ່ານແລ້ວ, ການເຈລະຈາເພື່ອແນໃສ່ແກ້ໄຂການປະທະກັນລະຫວ່າງ ລັດເຊຍ ແລະ ຢູແກຼນ ອາດຈະເລີ່ມຕົ້ນແຕ່ລະດູໃບໄມ້ຫຼົ່ນປີນີ້. ກໍ່ຕາມທ່ານ Lukashenko ແລ້ວ, ເອີຣົບ ກໍ່ໄດ້ກຽມພ້ອມໃຫ້ແກ່ການເຈລະຈາສ້າງສັນຕິພາບຢູ່ ຢູແກຼນ. ການນຳເບລາຣຸດ ຖືວ່າ ຈີນ ອາດຈະສວມບົດບາດສຳຄັນໃນການແກ້ໄຂບັນຫາຢູ່ຢູແກຼນ. ປັດຈຸບັນ ທັງລັດເຊຍ ແລະ ຢູແກຼນ ຍັງບໍ່ທັນຍົກອອກຄຳຄິດເຫັນຫຍັງຕໍ່ຂ່າວດັ່ງກ່າວເທື່ອ.