ປະທານາທິບໍດີຝະລັ່ງຢ້ຽມຢາມອີຢິບຢ່າງເປັນທາງການ
ທ່ານປະທານາທິບໍດີ ຝະລັ່ງ Francois Hollande
(ພາບ:AP)
(vovworld) - ໃນຂອບເຂດການຢ້ຽມຢາມ 3 ປະເທດຕາເວັນອອກກາງ, ວັນທີ 17/04, ທ່ານປະທານາທິບໍດີ ຝະລັ່ງ Francois Hollande ໄດ້ໄປຮອດ ອີຢິບ, ເລີ່ມຕົ້ນການຢ້ຽມຢາມເປັນທາງການທີ່ແກ່ຍາວໃນເວລາ 2 ວັນ. ຮ່ວມເດີນທາງພ້ອມກັບທ່ານປະທານາທິບໍດີ ຝະລັ່ງ Hollande ມີວິສາຫະກິດ ແລະ ກຸ່ມບໍລິສັດແຖວໜ້າກ່ວາ 60 ແຫ່ງຂອງປະເທດນີ້. ຄາດຄະເນວ່າ ເນື່ອງໃນໂອກາດນີ້ ຝະລັ່ງ ແລະ ອີຢິບ ຈະລົງນາມໃນຂໍ້ຕົກລົງເສດຖະກິດ 2 ຝ່າຍຫລາຍສະບັບ. ທ່ານປະທານາທິບໍດີ ອີຢິບ Abdel Fattah El – Sisi ແລະ ຄູ່ຕຳແໜ່ງ ຝະລັ່ງ Hollande ຈະລົງນາມໃນບັນດາຂໍ້ຕົກລົງຊ່ວຍຈຳ ແລະ ບັນດາໂຄງການໃນບາງຂົງເຂດລວມມີ: ໄຟຟ້າ, ພະລັງງານຜະລິດຄືນໃໝ່…ຄຽງຂ້າງນັ້ນ, ການນຳ 2 ທ່ານກໍຈະປຶກສາຫາລືບາງບັນຫາໃນພາກພື້ນຄື: ວິກິດການຢູ່ ຊີຣີ, ລີບີ ແລະ ເຢແມນ ແລະ ຂໍ້ລິເລີ່ມຂອງ ຝະລັ່ງ ແນໃສ່ຟື້ນຟູວິວັດທະນາການສັນຕິພາບຢູ່ຕາເວັນອອກກາງລະຫວ່າງ ອິດສະລາແອນ ແລະ ປາແລັດສະຕີນ.