ຜູ້ແທນ 800 ຄົນເຂົ້າຮ່ວມ ກອງປະຊຸມໃຫຍ່ທົ່ວປະເທດສະຫະພັນຊາວໜຸ່ມຫວຽດນາມ ຄັ້ງທີ 7
(ຜູ້ແທນ 800 ຄົນເຂົ້າຮ່ວມກອງປະຊຸມໃຫຍ່ທົ່ວປະເທດ
ສະຫະພັນຊາວໜຸ່ມຫວຽດນາມ ຄັ້ງທີ 7)
(vovworld) – ກອງປະຊຸມໃຫຍ່ທົ່ວປະເທດສະຫະພັນຊາວໜຸ່ມຫວຽດນາມ ຄັ້ງທີ 7 ຈະຖືກດຳເນີນໄປໃນວັນທີ 27 – 29/12, ຢູ່ຮ່າໂນ້ຍ. ນີ້ແມ່ນເຫດການດ້ານການເມືອງທ່ິສຳຄັນຂອງຊາວໜຸ່ມທົ່ວປະເທດ, ແມ່ນວັນບຸນສາມັກຄີຊາວໜຸ່ມຫວຽດນາມ ທຸກຊັ້ນວັນນະ, ເປັນຂີດໝາຍແຫ່ງການພັດທະນາໃໝ່ຂອງອົງການຈັດຕັ້ງສະມາຄົມ ແລະ ຂະບວນການຊາວໜຸ່ມ. ມີຜູ້ແທນ 800 ຄົນຈະເຂົ້າຮ່ວມກອງປະຊຸມໃຫຍ່ຢ່າງເປັນທາງການ ນັ້ນແມ່ນບັນດາພະນັກງານ, ສະມາຊິກຊາວໜຸ່ມທີ່ດີເດັ່ນ ແລະ ຊາວໜຸ່ມດີເດັ່ນໃນທຸກຂົງເຂດຂອງ 54 ຊົນເຜົ່າ; ເປັນຕົວແທນໃຫ້ບັນດາຜູ້ມີຍົດຖາບັນດາສັກໜຸ່ມ, ຊາວໜຸ່ມກຳລັງປະກອບອາວຸດ, ນັກທຸລະກິດໜຸ່ມ, ນັກປັນຍາຊົນໜຸ່ມ…
ດ້ວຍຈິດໃຈ “ສາມັກຄີ, ມີຫົວຄິດປະດິດສ້າງ, ມີຄວາມຮັບຜິດຊອບ, ອຸທິດສ່ວນ”, ບັນດາຜູ້ແທນຈະຕີລາຄາໝາກຜົນແຫ່ງການປະຕິບັດມະຕິກອງປະຊຸມໃຫຍ່ທົ່ວປະເທດສະຫະພັນຊາວໜຸ່ມຫວຽດນາມ ຄັ້ງທີ 6 (ອາຍຸການ 2010 - 2014); ກຳນົດຄາດໝາຍ, ທິດທາງ, ໜ້າທີ່ປະຕິບັດງານຂອງສະມາຄົມ ແລະ ຂະບວນການຊາວໜຸ່ມອາຍຸການ 2014 – 2019. ກອງປະຊຸມໃຫຍ່ກໍ່ຈະເຈລະຈາເລືອກຕັ້ງຄະນະກຳມະການສູນກາງສະມາຄົມຊາວໜຸ່ງຫວຽດນາມ ຊຸດທີ 7, ອາຍຸການ 2014 – 2019 ເພື່ອຕາງໜ້າໃຫ້ເຈດຈຳນົງ, ຄວາມມຸ່ງມາດປາດຖະໜາ, ຄວາມຕັດສິນໃຈຂອງຊາວໜຸ່ມຫວຽດນາມ ທຸກຊັ້ນວັນນະ.