ຝຣັ່ງ,ອີຕາລີຍົກລະດັບເຕືອນໄພພາຍຫຼັງເຫດພົນລະເມືອງຝຣັ່ງຖືກປະຫານຊີວິດ
(ພາບປະກອບ)
(vovworld) – ພາຍຫຼັງພົນລະເມືອງ ຝຣັ່ງ ຄົນໜຶ່ງ ຖືກທະຫານກະບົດຂຶ້ນກັບກຸ່ມປະກອບອາວຸດ Jund al – Khilifa ຢູ່ພາກຕາເວັນອອກ Algeria ລອບຈັບຕົວ ແລະ ປະຫານຊີວິດ, ຝຣັ່ງ ແລະ ອີຕາລີ, ເຊິ່ງແມ່ນ 2 ປະເທດພັນທະມິດຂອງ ອາເມລິກາ ໃນສຳພັນທະມິດຕ້ານກຸ່ມ “ລັດອິດສະລາມ” (IS) ອ້າງຊື່ເອງ, ໄດ້ຍົກລະດັບເຕືອນໄພສຳລັບບັນດາພົນລະເມືອງຂອງປະເທດຕົນຢູ່ຕ່າງປະເທດ. ໃນແຈ້ງການເມື່ອວັນທີ 25/9, ທ່ານລັດຖະມົນຕີການຕ່າງປະເທດ ຝຣັ່ງ ໃຫ້ຮູ້ວ່າ: ປາຣີ ໄດ້ເປີດກ້ວາງບັນຊີລາຍຊື່ກ່າວເຕືອນສຳລັບພົນລະເມືອງ ຝຣັ່ງ ຢູ່ຕ່າງປະເທດ, ຈາກ 31 ປະເທດຂຶ້ນເຖິງ 40 ປະເທດ, ໃນນັ້ນມີບັນດາປະເທດ ອາຊີ. ແລະກໍ່ໃນວັນດຽວກັນ, ອີຕາລີ ໄດ້ຍົກລະດັບເຕືອນໄຟຄວາມສະຫງົບຂຶ້ນລະດັບສູງສຸດ. ຖະແຫຼງການຂອງທ່ານລັດຖະມົນຕີກະຊວງພາຍໃນ ອີຕາລີ Angelino Alfano ຢັ້ງຢືນວ່າ “ໄພນາບຂູ່ຈາກ IS ແມ່ນຮ້າຍແຮງ, ແຕ່ ອີຕາລີ ໄດ້ກຽມພ້ອມປະເຊີນໜ້າກັບພວກມັນ”.