(vovworld) - ວັນທີ 28/07, ທ່ານລັດຖະມົນຕີການຕ່າງປະເທດຝລັ່ງ Jean Marc Ayrault ແລະ ຄູ່ຮ່ວມຕຳແໜ່ງອັງກິດ Boris Johnson ພວມຢ້ຽມຢາມປະເທດນີ້ ໄດ້ພ້ອມກັນອອກສຽງຮຽກຮ້ອງໃຫ້ອຳນາດການປົກຄອງ ຊີຣີ ແລະ ບັນດາພັນທະມິດຂອງປະເທດຕາເວັນອອກກາງນີ້ຢຸດຕິການກະທຳປິດລ້ອມນະຄອນ Allepo ທາງພາກເໜືອຊີຣີ. ກ່າວຄຳເຫັນຕໍ່ວົງການນັກຂ່າວພາຍຫຼັງການເຈລະຈາຢູ່ປາຣີ, ລັດຖະມົນຕີການຕ່າງປະເທດ 2 ທ່ານ ໄດ້ຢືນຢັນວ່າ, ບັ້ນຮົບປິດລ້ອມນະຄອນ Allepo ໄດ້ເຮັດໃຫ້ 300.000 ຄົນຖືກຕິດຄ້າງ, ຈະບໍ່ສາມາດຊ່ວຍໃຫ້ບັນດາການເຈລະຈາສັນຕິພາບໄດ້ຮັບການເຊື່ອມຕໍ່ຄືນໃໝ່. 2 ຝ່າຍກໍ່ເນັ້ນໜັກວ່າ, ບັ້ນຮົບປິດລ້ອມ Allepo ໄດ້ລະເມີດຂໍ້ຕົກລົງຢຸດຍິງທີ່ໄດ້ຮັບຮອງເອົາຢູ່ Munich. ລັດຖະມົນຕີການຕ່າງປະເທດ 2 ທ່ານກໍຮຽກຮ້ອງໃຫ້ບັນດາຝ່າຍຢຸດຕິການປະທະກັນ, ເຊື່ອມຕໍ່ການເຈລະຈາຄືນໃໝ່ເພື່ອກ້າວໄປເຖິງການສ້າງຕັ້ງລັດຖະບານຂ້າມຜ່ານທີ່ມີສິດອຳນາດຢ່າງເຕັມສ່ວນເພື່ອບໍລິຫານປະເທດຊາດ.