ພັກ,ລັດເອົາໃຈໃສ່,ເບິ່ງແຍງດູແລຜູ້ທີ່ມີຄຸນງາມຄວາມດີຕໍ່ປະເທດຊາດ
ທ່ານນາງຮອງປະທານປະເທດ ຫວຽດນາມ ຫງວຽນທິຢວານ
(ພາບປະກອບ)
(vovworld) – ຕອນບ່າຍວັນທີ 11/8, ຢູ່ ຮ່າໂນ້ຍ, ເມື່ອຕ້ອນຮັບຄະນະພະນັກງານຖືກສັດຕູກັດຂັງ, ຈຳຄຸກ, ທະຫານເສຍອົງຄະ ແລະ ຍາດຕິພີ່ນ້ອງນັກຮົບເສຍສະຫຼະຊີວິດເພື່ອຊາດຂອງແຂວງ ຫວີງລອງ, ທ່ານນາງຮອງປະທານປະເທດ ຫວຽດນາມ ຫງວຽນທິຢວານ ຕີລາຄາສູງຄຸນງາມຄວາມດີອັນໃຫຍ່ຫຼວງຂອງບັນດາພະນັກງານທີ່ຖືກສັດຕູກັກຂັງ, ຈຳຄຸກ, ທະຫານເສຍອົງຄະ ແລະ ຍາດຕິພີ່ນ້ອງນັກຮົບເສຍສະຫຼະຊີວິດເພື່ອຊາດຂອງແຂວງ ຫວີງລອງ ໃນພາລະກິດຕໍ່ສູ້ປົກປັກຮັກສາປະເທດຊາດ. ທ່ານຮອງປະທານປະເທດ ເນັ້ນໜັກວ່າ: ເຖິງວ່າຈຳນວນຜູ້ມີຄຸນງາມຄວາມດີ, ແມ່ ຫວຽດນາມ ວິລະຊົນ ຢູ່ ຫວຽດນາມ ແມ່ນຫຼາຍຢູ່ແຕ່ພັກ, ລັດ, ສະພາແຫ່ງຊາດ, ລັດຖະບານ ຍາມໃດກໍ່ສະຫງວນຄວາມເອົາໃຈໃສ່ພິເສດເຖິງບັນດາເປົ້າໝາຍດ້ວຍບັນດາແຜນນະໂຍບາຍ, ນະໂຍບາຍລະອຽດ, ແທດຈິງ. ດັ່ງນັ້ນ, ຊີວິດທາງດ້ານວັດຖຸ, ຈິດໃຈຂອງຜູ້ທີ່ມີຄຸນງາມຄວາມດີໄດ້ຮັບການປັບປຸງພໍສົມຄວນ. ທ່ານນາງຮອງປະທານປະເທດ ຫງວຽນທິຢວານ ຫວັງວ່າ ຜູ້ມີຄຸນງາມຄວາມດີແຂວງ ຫວີງລອງ ຈະສືບຕໍ່ເປັນເສນາທິການກັບຄະນະພັກ, ອຳນາດການປົກຄອງເພື່ອກໍ່ສ້າງແຂວງ ຫວີງລອງ ໃຫ້ນັບມື້ນັບຮັ່ງມີ, ສວຍງາມ.