ພັດທະນາເຂດທົ່ງພຽງແມ່ນ້ຳແດງ “ມູນເຊື້ອ, ຮ່ວມສຳພັນ, ບຸກທະລຸ, ກວມລວມ, ຮອບດ້ານ ແລະ ຍືນຍົງ”
(VOVWORLD) - ຕອນເຊົ້າວັນທີ 9 ພຶດສະພາ, ຢູ່ສຳນັກງານ ລັດຖະບານ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ, ປະທານສະພາປະສານງານ ເຂດທົ່ງພຽງແມ່ນ້ຳແດງ ເປັນປະທານກອງປະຊຸມຄັ້ງທີ 3 ຂອງ ສະພາ ເພື່ອປະກາດການວາງແຜນຜັງ ເຂດທົ່ງພຽງແມ່ນ້ຳແດງ ໄລຍະ 2021 – 2030, ວິໄສທັດຮອດປີ 2050.
 ທ່ານນາຍົກລັດຖະມົນຕີ ຟ້າມມິງຈິງ ກ່າວຄຳເຫັນທີ່ກອງປະຊຸມ (ພາບ: VOV) |
ເຂດທົ່ງພຽງແມ່ນ້ຳແດງລວມມີ 11 ແຂວງ, ນະຄອນ, ໃນໄລຍະຜ່ານມາ, ເຂດທົ່ງພຽງແມ່ນ້ຳແດງ ໄດ້ສ້າງຕັ້ງ ແລະ ປະຕິບັດສຳເລັດຂໍ້ກຳນົດ, ກົດລະບຽບການຈັດຕັ້ງປະຕິບັດວຽກງານ ຂອງສະພາປະສານງານເຂດ, ໄດ້ໃຫ້ສັເຊັນອະນຸມັດການວາງແຜນຜັງ 9/11 ແຂວງໃນເຂດ, ໂດຍເລີ່ມລົງມືກໍ່ສ້າງ 7/20 ໂຄງການສຳຄັນຂອງເຂດ ແລະ ພວມປະຕິບັດສຳເລັດບັນດາລະບຽບການເພື່ອເລີ່ມລົງມືກໍ່ສ້າງ 8 ໂຄງການຕໍ່ໄປ ຕາມແຜນການວາງອອກ.
ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ໄດ້ຮັບຮູ້ຄວາມມານະພະຍາຍາມຂອງ ເຂດພ້ອມກັນນັ້ນກໍ່ ຕີລາຄາສູງການປະກອບສ່ວນຂອງເຂດເຂົ້າເສດຖະກິດສັງຄົມຂອງທົ່ວປະເທດ. ໃນໄລຍະຈະມາເຖິງ, ທ່ານນາຍົກລັດຖະມົນຕີ ຮຽກຮ້ອງຜັນຂະຫຍາຍການວາງແຜນຜັງ ແລະ ພັດທະນາເສດຖະກິດ - ສັງຄົມ ເຂດທົ່ງພຽງແມ່ນ້ຳແດງ ຕ້ອງມີການຮ່ວມສຳພັນ, ບຸກທະລຸ, ກວມລວມ, ຮອບດ້ານຍືນຍົງ, ເປັນມູນເຊື້ອ.
ກ່ຽວກັບບັນດາໜ້າທີ່, ວິທີການຈຸດສຸມ, ທ່ານນາຍົກລັດຖະມົນຕີ ຮຽກຮ້ອງໃຫ້ສ້າງແຜນການປະຕິບັດການວາງແຜນຜັງເຂດ ຢ່າງຮີບດ່ວນ ບົນຈິດໃຈ ມີຄວາມສະດວກດ້ານນະໂຍບາຍ, ລຸ້ລ່ວງກ່ຽວກັບພື້ນຖານໂຄງລ່າງ ແລະ ອັດສະລິຍະໃນການຄຸ້ມຄອງ.