(vovworld) – ​ເນື່ອງ​ໃນ​ໂອກາດ​ສ​ະ​ເຫຼີ​ມສະຫຼອງ 49 ປີ​ແຫ່ງ​ວັນ​ສ້າງ​ຕັ້ງ ອາ​ຊຽນ (8/8/1967 – 8/8/2016) ​ແລະ ສະ​ເຫຼີ​ມສະຫຼອງ 21 ປີ​ແຫ່ງ​ວັນ ຫວຽດນາມ ​ເຂົ້າ​​ເປັນ​ສະມາຊິກ ອາ​ຊຽນ (28/7/1995 – 28/7/2016), ຕອນ​ເຊົ້າ​ວັນ​ທີ 8/8, ຢູ່​ຮ່າ​ໂນ​້ຍ, ກະຊວງ​ກາ​ນຕ່າງປະ​ເທດ ຫວຽດນາມ ​ໄດ້​ຈັດ​ຕັ້ງ​ພິທີ​ຊັກ​ທຸງ ອາ​ຊຽນ 2016. ​ເຂົ້າ​ຮ່ວມ​ພິທີ​ຊັກ​ທຸງ ອາ​ຊຽນ ມີ​ຜູ້ຕາງໜ້າ​ບັນດາ​ກະຊວງ, ຄະນະ, ຂະ​ແໜງ​ການ, ນະຄອນ ຮ່າ​ໂນ້ຍ ​ແລະ ຫົວໜ້າ​ຄະນະທູຕານຸທູດ, ບັນດາ​ເອກ​ອັກຄະ​ລັດຖະທູດ, ອຸປະ​ທູດ, ຜູ້ຕາງໜ້າ​ສະຖານທູດ ບັນດາ​ປະ​ເທດ ​ອາ​ຊຽນ ປະຈຳ ຮ່າ​ໂນ້ຍ. ພິທີ​ຊັກ​ທຸງ​ເນື່ອງ​ໃນ​ໂອກາດ​ສະ​ເຫຼີ​ມສະຫຼອງ​ວັນ​ສ້າງ​ຕັ້ງ ອາ​ຊຽນ ​ໄດ້​ກາຍ​ເປັນ​ທຳນຽມປະຈຳ​ປີ​ທີ່​ເປັນ​ໜ້າ​ເອກອ້າງ​ທະ​ນົງ​ໃຈ​ຂອງ​ທຸກໆ​ປະ​ເທດ​ສະມາຊິກ ອາ​ຊຽນ ​ແລະ ຄະນະ​ເລຂາ​ ອາ​ຊຽນ.

        ກ່າວ​ຄຳ​ເຫັນ​​ເນື່ອງ​ໃນ​ໂອກາດ​ສະ​ເຫຼີ​ມສະຫຼອງ 49 ປີ​ແຫ່ງ​ວັນ​ສ້າງ​ຕັ້ງ ອາ​ຊຽນ, ທ່ານ​ເອກ​ອັກຄະ​ລັດຖະທູດ ຫງວຽນ​​ແຮ່​ວງນຳ, ຫົວໜ້າ​ຄະນະ​ຜູ້​ຕາງໜ້າ ຫວຽດນາມ ປະຈຳ ອາ​ຊຽນ ​ໄດ້​ຢັ້ງຢືນ​ວ່າ: ຍາມ​ໃດ ຫວຽດນາມ ກໍ່​ສະ​ແດງ​ຄວາມ​ຮັບ​ພິດ​ຊອບ, ການ​ເຂົ້າ​ຮ່ວມ​ຢ່າງຕັ້ງໜ້າ ​ແລະ ມີ​ການ​ປະກອບສ່ວນ​ສຳຄັນ​​​ເຂົ້າໃນ​ການວາງ​​ນະ​ໂຍບາຍ ກໍ່​ຄື​ຜັນ​ຂະຫຍາຍ​ບັນດາ​ຂໍ້​ຕົກລົງ​ຮ່ວມ​ມື​ຂອງ​ອາ​ຊຽນ. ທ່ານ​ເອກອັກ​ຄະ​ລັດຖະທູດ ຫງວຽນ​ແຮ່​ວງນຳ ​ໃຫ້​ຮູ້​ວ່າ: ນັບ​ແຕ່​ເມື່ອ​​ສ້າງ​ຕັ້ງປະຊາ​ຄົມ ອາ​ຊຽນ ​ໃນ​ທ້າຍ​ປີ 2015 ມາ​ຮອດ​ປະຈຸ​ບັນ, ອາ​ຊຽນ ​ໄດ້​ຜັນ​ຂະຫຍາຍ​ບັນດາ​ແຜນການ​ປະຊາ​ຄົມ ອາ​ຊຽນ 2025, ວິວັດ​ການ​ນີ້​​ໄດ້​ສ້າງບັນດາຂີດ​ໝາຍ ຫວຽດນາມ ດ້ວຍ​ບັນດາ​ການ​ປະກອບສ່ວນ​ຢ່າງຕັ້ງໜ້າ. ປີ 2016, ​ເປັນ​ປີທຳ​ອິດ​ເຂົ້າ​ສູ່​ການ​ຜັນ​ຂະຫຍາຍ​ວິ​ໄສ​ທັດ ອາ​ຊຽນ 2025 ​ແລະ ພ້ອມ​ກັນ​ນັ້ນ​ແມ່ນ​ບັນດາ​ແຜນການ​ປະຊາ​ຄົມ ​ໃນທັງ 3 ​ເສົ້າ​ຄ້ຳ​ແມ່ນ: ການ​ເມືອງ - ຄວາມ​ໝັ້ນຄົງ, ​ເສດຖະກິດ ​ແລະ ວັດທະນະທຳ - ສັງຄົມ.