ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ
ຟ້າມບິ່ງມິງກ່າວຄຳເຫັນທີ່ພິທີສະເໜີຕົວກຸ່ມແມ່ຍິງປະຊາຄົມ ອາຊຽນ
(ພາບ: doanhnghiepvn.vn)
(vovworld) - ກ່າວຄຳເຫັນທີ່ພິທີສະເໜີຕົວກຸ່ມແມ່ຍິງປະຊາຄົມ ອາຊຽນ ດຳເນີນໃນຕອນເຊົ້າວັນທີ 11/8 ຢູ່ຮ່າໂນ້ຍ, ໂດຍກະຊວງການຕ່າງປະເທດຈັດຕັ້ງ, ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຟ້າມບິ່ງມິງ ເນັ້ນໜັກວ່າ: ໃນປີ 2015 ແມ່ນຈຸດເວລາທີ່ມີຄວາມໝາຍບານພັບສຳລັບການພັດທະນາຂອງໂລກເວົ້າລວມ ກໍຄືສຳລັບອາຊຽນ ແລະ ພາລະກິດຊຸກຍູ້ຄວາມກ້າວໜ້າຂອງແມ່ຍິງເວົ້າສະເພາະ. ທ່ານ ຟ້າມບິ່ງມິງ ໃຫ້ຮູ້ວ່າ:
“ເລື່ອງສ້າງຕັ້ງກຸ່ມແມ່ຍິງປະຊາຄົມ ອາຊຽນ ຢູ່ຮ່າໂນ້ຍ ແມ່ນຄຳໝັ້ນສັນຍາແຂງແຮງໜຶ່ງອີກຂອງ ຫວຽດນາມ ສຳລັບຄວາມມານະພະຍາຍາມລວມແມ່ນສ້າງປະຊາຄົມ ອາຊຽນ ມຸ່ງເຖິງປະຊາຊົນ, ຖືປະຊາຊົນເປັນໃຈກາງ. ນີ້ແມ່ນຂົວເຊື່ອນຕໍ່ນ້ຳໃຈມິດຕະພາບ ແລະ ຄວາມສະໜິດຕິດພັນລະຫວ່າງປະຊາຊົນບັນດາປະເທດ ອາຊຽນ ແລະ ລະຫວ່າງ ອາຊຽນ ກັບບັນດາເພື່ອນມິດສາກົນ. ຂ້າພະເຈົ້າ ເຊື່ອໝັ້ນວ່າ: ບັນດາສະມາຊິກຂອງກຸ່ມແມ່ຍິງປະຊາຄົມ ອາຊຽນ ຢູ່ຮ່າໂນ້ຍ ຈະມີການເຄື່ອນໄຫວພົບປະແລກປ່ຽນທີ່ອຸດົມສົມບຸນ ແລະ ແທດຈິງຫລາຍຢ່າງ, ເພື່ອແບ່ງປັນບົດຮຽນ, ໜູນຊ່ວຍເຊິ່ງກັນ ແລະ ກັນ, ເພີ່ມທະວີຄວາມເຂົ້າອົກເຂົ້າໃຈ ແລະ ນ້ຳໃຈມິດຕະພາບ. ຜ່ານນັ້ນ ປະກອບສ່ວນສ້າງຕັ້ງປະຊາຄົມ ອາຊຽນ ໝັ້ນຄົງເຂັ້ມແຂງ ແລະ ສາມັກຄີ ”.