ພາບປະກອບ
|
(vovworld) – ວັນທີ 2017 ແມ່ນປີທີ 3 ທີ່ ຫວຽດນາມ ຕອບສະໜອງວັນສາກົນເພື່ອຄວາມຜາສຸກ ດ້ວຍຫົວຂໍ້ວ່າ: ເຊື່ອມຕໍ່ປີ 2015: “ຄວາມຮັກແພງ ແລະ ການແບ່ງປັນກັນ”. ເນື່ອງໃນໂອກາດນີ້, ຢູ່ນະຄອນ ໂຮ່ຈີມິນ ໄດ້ຈັດຕັ້ງການເຄື່ອນໄຫວໂຄສະນາຫຼາຍຢ່າງເພື່ອຍົກສູງຄວາມຮັບຮູ້ຂອງທຸກຂັ້ນ, ທຸກຂະແໜງການ, ທ້ອງຖິ່ນ, ວິສາຫະກິດ, ອົງການຈັດຕັ້ງ, ສ່ວນບຸກຄົນ, ຄອບຄົວ ແລະ ປະຊາຄົມສັງຄົມກ່ຽວກັບປະຫວັດສາດ, ຄວາມໝາຍ, ຫົວເລື່ອງ ແລະ ສານຂອງ ສປຊ ກ່ຽວກັບວັນສາກົນເພື່ອຄວາມຜາສຸກ. ພ້ອມທັງຂົນຂວາຍໃຫ້ທົ່ວສັງຄົມ, ບັນດາຄອບຄົວເຄື່ອນໄຫວຢ່າງແທດຈິງໃນການສ້າງຄອບຄົວ ແລະ ວົງຄະນະຍາດ ໃຫ້ມີຄວາມອິ່ມໜຳສຳລານ, ສະເໝີພາບ ແລະ ມີຄວາມຜາສຸກ. ທ່ານນາງ ຫງວຽນທິເກີ່ນ, ຢູ່ເມືອງ ບິ່ງແທ້ງ, ນະຄອນ ໂຮ່ຈີມິນ, ໄດ້ແບ່ງປັນວ່າ:
“ຕາມຂ້າພະເຈົ້າແລ້ວ, ທຸກໆຄົນ, ນັບແຕ່ຄອບຄົວຕະຫຼອດຮອດທົ່ວສັງຄົມຕ້ອງມີຄວາມຮັກແພງ ແລະ ແບ່ງປັນນຳກັນ. ພ້ອມກັນສຶກສາໃຫ້ລຸ້ນລູກລຸ້ນຫຼານໃນຄອບຄົວເຄົາລົບກົດໝາຍຂອງລັດ. ຕ້ອງອຸ້ມຊູ່ຊ່ວຍເຫຼືອກັນຈາກຄອບຄົວຕະຫຼອດຮອດທົ່ວສັງຄົມເພື່ອສ້າງສັງຄົມໃຫ້ມີຄວາມຍຸຕິທຳ, ສິວິໄລ ສຳລັບແຕ່ລະປະເທດກໍ່ຄືທົ່ວໂລກ.”