ພະພິກຂຸ 6 ອົງໄປເມືອງເກາະ Truong Sa ເຄື່ອນໄຫວວຽກງານ ພຸດທະສາສະໜາ
ວັດຢູ່ Truong Sa
(ພາບ:nguoiphattu.com)
( vovworld ) – ວັນທີ 22/3, ຄະນະກຳມະການປະຊາຊົນແຂວງ Khanh Hoa ໄດ້ຕົກລົງສົ່ງພະພິກຂຸ 6 ອົງໄດ້ໄປເມືອງເກາະ Truong Sa ເຄື່ອນໄຫວວຽກງານພຸດທະສາສະໜາ ຕາມຂໍ້ຕົກລົງຂອງຄະນະບໍລິຫານງານ ສະມາຄົມພຸດທະສາສະໜາແຂວງ Khanh Hoa. ກ່ອນໜ້ານັ້ນ, ຄະນະບໍລິຫານງານ ສະມາຄົມພຸດທະສາສະໜາແຂວງ Khanh Hoa ໄດ້ຕົກລົງແຕ່ງຕັ້ງບັນດາພະພິກຂຸເປັນເຈົ້າອາວາດ ແລະ ຮອງເຈົ້າອາວາດວັດ Truong Sa lon, Sinh Ton ແລະ Song tu tay. ແລະ ກໍ່ໃນວັນທີ 22/3, ຄະນະກຳມະການແນວໂຮມປະເທດຊາດຫວຽດນາມ ແຂວງ Khanh Hoa ໄດ້ຈັດການພົບປະສ້າງສັນ, ຍ້ອງຍໍສັນລະເສີນນ້ຳໃຈຜ່ານຜ່າຄວາມຫຍຸ້ງຍາກຂອງບັນດາພະພິກຂຸ, ເພື່ອເຂົ້າຮ່ວມວຽກງານພຸດທະສາສະໜາຢູ່ເມືອງເກາະ Truong Sa . ປະຈຸບັນ, ບັນດາພະພິກຂຸໄດ້ກະກຽມເຄື່ອງອຸປະກອນຈຳເປັນເພື່ອຮັບໃຊ້ໃຫ້ແກ່ວຽກງານພຸດທະສາສະໜາ ແລະ ກຽມພ້ອມໃຫ້ແກ່ການເດີນທາງອອກສູ່ໝູ່ເກາະ. ທ່ານ Bui Huu Thanh ຮອງຫົວໜ້າພະແນກພາຍໃນ, ຫົວໜ້າຄະນະສາສະໜາແຂວງ Khanh Hoa ເວົ້າວ່າ: “ລັດເຄົາລົບສິດເສລີພາບໃນການເຫຼື້ອມໃສສາສະໜາຂອງປະຊາຊົນ. ຢູ່ເຂດໝູ່ເກາະນີ້ກໍ່ມີບັນດາຜູ້ຖືສາສະໜາພຸດ, ວັດວາອາຮາມກໍ່ຕ້ອງມີຜູ້ຊີ້ນຳນຳພາການເຄື່ອນໄຫວທາງສາສະໜາ. ລັດໄດ້ເຫັນດີເປັນເອກະສັນກັບວຽກງານທີ່ຖືກຕ້ອງຂອງສະມາຄົມພຸດທະສາສະໜາ ໃນການແຕ່ງຕັ້ງພະພິຂຸໄປຮັບໜ້າທີ່ເປັນເຈົ້າອາວາດບັນດາວັດຢູ່ເມືອງເກາະ Truong Sa. ລັດຈະສ້າງເງື່ອນໄຂເພື່ອໃຫ້ບັນດາພະພິກຂຸເຄື່ອນໄຫວສາສະໜາ, ແນະນຳການບວດຢູ່ເມືອງເກາະ Truong Sa“