ພະເຈົ້າມະຫາຊີວິດໄທ ແຕ່ງຕັ້ງຜູ້ບັນຊາການທະຫານປຣາຢຸດນຳພາອຳນາດການປົກຄອງການທະຫານ
ນາຍພົນ ປຣາຢຸດ ຈັນໂອຈາ, ຜູ້ບັນຊາການທະຫານບົກ
(ພາບ: AFP)
(vovworld) – ວັນທີ 26/5, ພະບາດສົມເດັດພະເຈົ້າມະຫາຊີວິດແຫ່ງລາຊະອານາຈັກ ໄທ ພູມີພົນ ອາດູນຍາເດດ ໄດ້ແຕ່ງຕັ້ງຜູ້ບັນຊາການທະຫານບົກ, ນາຍພົນ ປຣາຢຸດ ຈັນໂອຈາ, ເປັນຜູ້ນຳພາອຳນາດການປົກຄອງການທະຫານໃໝ່ຢູ່ ປະເທດນີ້ຢ່າງເປັນທາງການ. ພະລາດຊະດຳລັດຊີ້ແຈ້ງວ່າ: “ເພື່ອຟື້ນຟູສັນຕິພາບ ແລະ ຄວາມເປັນລະບຽບຮຽບຮ້ອຍຢູ່ປະເທດນີ້ກໍ່ຄືເພື່ອຄວາມສາມັກຄີ, ພະເຈົ້າມະຫາຊີວິດ ໄດ້ແຕ່ງຕັ້ງ ນາຍພົນ ປຣາຢຸດ ຈັນໂອຈາ ເປັນຜູ້ນຳສະພາຮັກສາສັນຕິພາບ ແລະ ຄວາມເປັນລະບຽບຮຽບຮ້ອຍ (NPOMC) ເພື່ອບໍລິຫານປະເທດຊາດ”. ພະລາດຊະດຳລັດກໍ່ໃຫ້ຮູ້ວ່າ: ທ່ານ ປຣາຢຸດ ເຄີຍກ່າວເຕືອນກັບພະລາດຊະວັງວ່າ: ສະພາບໃຊ້ຄວາມຮຸນແຮງຢູ່ນະຄອນຫຼວງ ບາງກອກ ແລະ ແຫ່ງອື່ນໆຢູ່ ໄທ ມີໄພແຜ່ລາມອອກສູ່ວົງກ້ວາງ ແລະ ອາດຈະ “ສົ່ງຜົນຮ້າຍໃຫ້ແກ່ຄວາມສະຫງົບແຫ່ງຊາດ”. ພາຍຫຼັງໄດ້ຮັບການໃຫ້ສັດຕະຍາບັນຈາກພະເຂົ້າມະຫາຊີວິດຢ່າງເປັນທາງການ, ທ່ານ ປຣາຢຸດ ໃຫ້ຄຳໝັ້ນສັນຍາຈະປະຕິບັດໜ້າທີ່ຂອງຕົນຢ່າງຈິງໃຈ ແລະ ແກ້ໄຂບັນດາບັນຫາເພື່ອໃຫ້ປະເທດ ໄທ ກັບຄືນສູ່ລະບອບລາຊາທິປະໄຕຢ່າງຖືກຕ້ອງ. ທ່ານຖະແຫຼງຈະແຕ່ງຕັ້ງນາຍົກລັດຖະມົນຕີຊົ່ວຄາວ ແລະ ສ້າງຕັ້ງຄະນະລັດຖະບານ, ແຕ່ວ່າ ບໍ່ຍົກອອກຕາຕະລາງເວລາລະອຽດໃຫ້ວຽກງານນີ້ເທື່ອ. ທ່ານ ປຣາຢຸດ ກໍ່ຮຽກຮ້ອງໃຫ້ຫາງສຽງຈົ່ງເຫັນໃຈຕໍ່ການປະຕິບັດ ກໍ່ລັດຖະປະຫານ, ພ້ອມທັງຢັ້ງຢືນຈະກະທຳຢ່າງຈິງໃຈເພື່ອຫຼຸດຜ່ອນຄວາມຂາດສະຖຽນລະພາບ ແລະ ໃຫ້ຄຳໝັ້ນສັນຍາ NPOMC ຈະມານະພະຍາຍາມຈົດສຸດຄວາມສາມາດເພື່ອແກ້ໄຂບັນດາບັນຫາ.