ເພື່ອສ້າງເງື່ອນໄຂໃຫ້ປະຊາຊົນ, ໃນນັ້ນ ສ່ວນຫລາຍໄດ້ຍົກຍ້າຍ ຍ້ອນການໃຊ້ຄວາມຮຸນແຮງ, ອາດຈະສະເຫຼີມສະຫຼອງສີ້ນສຸດເທດສະການ Ramadan ຂອງຊາວມຸດສະລິມ. ໂຄສົກກອງທັບ ຟີລິບປີນ ພົນວາທີ Restituto Padilla ໃຫ້ຮູ້ວ່າ: “ຄຳສັ່ງຢຸດຍິງ ເພື່ອມະນຸດສະທຳ” ຈະມີຜົນສັກສິດໃນເວລາ 6 ໂມງເຊົ້າວັນທີ 25 ມິຖຸນາ ຕາມເວລາທ້ອງຖິ່ນຢູ່ ມາຣາວີ. ເຖິງຢ່າງໃດກໍ່ຕາມ, ຄຳສັ່ງດັ່ງກ່າວຈະຖືກຍົກເລີກໃນທັນທີ ຖ້າຫາກພວກກະບົດຍິງປືນ ຫຼື ນາບຂູ່ບັນດານາຍທະຫານ ແລະ ສາມັນຊົນ. ທ່ານ Padilla ຢືນຢັນວ່າ ຄຳສັ່ງຢຸດຍິງນີ້ ແມ່ນ “ການກະທຳສະແດງໃຫ້ເຫັນຄຳໝັ້ນສັນຍາຢ່າງແຮງ ແລະ ເຄົາລົບສຳລັບໂລກອິດສະລາມ”, ພິເສດແມ່ນຊາວອິດສະລາມຢູ່ ມາຣາວີ.