ກອງປະຊຸມສຳມະນາຮັບເອົາຄຳເຫັນກ່ຽວກັບຮ່າງກົດໝາຍວ່າດ້ວຍການໜູນຊ່ວຍວິສາຫະກິດຂະໜາດນ້ອຍ ແລະ ກາງ
|
(vovworld)- ຕອນບ່າຍວັນທີ 22/2, ກຳມາທິການເສດຖະກິດຂອງສະພາແຫ່ງຊາດ ໄດ້ສົມທົບກັບ ກະຊວງແຜນການ ແລະ ການລົງທຶນ ຈັດຕັ້ງກອງປະຊຸມສຳມະນາເພື່ອຮັບເອົາຄຳເຫັນກ່ຽວກັບ ຮ່າງກົດໝາຍວ່າດ້ວຍການຫນູນຊ່ວຍວິສາຫະກິດຂະຫນາດກາງ ແລະ ນ້ອຍ. ຮ່າງກົດໝາຍສະບັບນີ້ ໄດ້ຮັບການສ້າງຕາມທິດປະຕິບັດຕາມຫລັກການການຕະຫລາດ, ຫນູນຊ່ວຍວິສາຫະກິດໃນການຜະລິດດຳເນີນທຸລະກິດຢ່າງໝັ້ນທ່ຽງໂດຍມີການກຳນົດເວລາ. ທ່ານໂຕຮ່ວາຍນາມ, ຮອງປະທານ ທັງເປັນເລຂາທິການ ສະຫະສະມາຄົມວິສາຫະກິດຂະຫນາດກາງ ແລະ ນ້ອຍ ຫວຽດນາມ ຖືວ່າ:
“ຮ່າງກົດໝາຍສະບັບໃຫມ່ນີ້ແມ່ນມີຄວາມສົມບູນແບບພໍສົມຄວນ, ແກ້ໄຂໄດ້ຂໍ້ຄົງຄ້າງທັງໝົດ ຊື່ງວິສາຫະກິດຂະຫນາດກາງ ແລະ ນ້ອຍ ພວມປະສົບ ເມື່ອປະຕິບັດກົດໝາຍ ແລະ ໄດ້ຮັບການຫນູນຊ່ວຍຈາກລັດ.” ເມື່ອປະກອບຄຳເຫັນໃສ່ຮ່າງກົດໝາຍດັ່ງກ່າວ, ບັນດາຜູ້ແທນຖືວ່າ ຮ່າງກົດໝ າຍຄວນຍົກສູງສິດ ແລະ ຄວາມຮັບຜິດຊອບຂອງສະມາຄົມ, ສະຫະສະມາຄົມຕາງຫນ້າໃຫ້ວິສາຫະກິດຄື: ສະຫະສະມາຄົມວິສາຫະກິດຂະຫນາດກາງ ແລະ ນ້ອຍ ຫວຽດນາມ, ຫ້ອງການການຄ້າ ແລະ ອຸດສາຫະກຳ ຫວຽດນາມ, ຊີ້ແຈ້ງອົງການປະຕິບັດການຫນູນຊ່ວຍ ແລະ ມອບຫນ້າທີ່ໃຫ້ບັນດາກະຊວງ, ຂະແຫນງການກ່ຽວຂ້ອງ ແລະ ທ້ອງຖິ່ນ, ຮັບປະກັນການຜັນຂະຫຍາຍກົດໝາຍສະບັບດັ່ງກ່າວ.