(vovworld) - ວັນທີ 28/02, ຢູ່ນະຄອນຍາຈາງ, ແຂວງແຄ໋ງຮ່ວາ, ກອງປະຊຸມຄັ້ງທີ 1 ບັນດາເຈົ້າໜ້າທີ່ຂັ້ນສູງເວທີປາໄສຮ່ວມມືເສດຖະກິດອາຊີ-ປາຊີຟິກ 2017 ແລະ ບັນດາກອງປະຊຸມທີ່ກ່ຽວຂ້ອງ ໄດ້ກ້າວເຂົ້າສູ່ມື້ເຮັດວຽກທີ່ 11. ໃນມື້ນີ້, ບັນດາຜູ້ຕາງໜ້າໄດ້ເຂົ້າຮ່ວມບັນດາກອງປະຊຸມຄື: ກຸ່ມ Ad Hoc ກ່ຽວກັບເສດຖະກິດທາງເຄືອຂ່າຍ; ຄະນະກຳມະການເສດຖະກິດ (EC); ຄະນະກຳມະການດ້ານການຄ້າ ແລະ ການລົງທຶນ (CTI); ຄະນະກຳມະການຊີ້ນຳ SOM ກ່ຽວກັບການຮ່ວມມືດ້ານເສດຖະກິດ - ເຕັກນິກ (SCE).
ກ່ອນໜ້ານັ້ນ, ວັນທີ 27/02, ໄດ້ດຳເນີນບັນດາກອງປະຊຸມຂອງ 7 ຄະນະກຳມະການ ແລະ ກຸ່ມປະຕິບັດງານໃນບັນດາຂົງເຂດການຄ້າ ແລະ ການລົງທຶນ (CTI), ເສດຖະກິດ (EC), ການຮ່ວມມືດ້ານເສດຖະກິດ - ເຕັກນິກ (SCE), ຄຸ້ມຄອງ ແລະ ງົບປະມານ (BMC)… ໃນວາລະປະຊຸມຄົບຄະນະຄັ້ງທຳອິດຂອງຄະນະກຳມະການເສດຖະກິດ, ບັນດາຜູ້ແທນໄດ້ປຶກສາຫາລືສະພາບການຮ່ວມມືເວທີປາໄສຮ່ວມມືເສດຖະກິດອາຊີ-ປາຊີຟິກ ໃນບັນດາຂົງເຂດຫັນການດຳເນີນທຸລະກິດໃຫ້ສະດວກ, ການບໍລິຫານ ແລະ ກົດໝາຍວ່າດ້ວຍວິຫາສະກິດ, ການປະຕິຮູບລະບຽບການບໍລິຫານ…
ພາຍຫຼັງສິ້ນສຸດວາລະປະຊຸມຄົບຄະນະວັນທີ 26/02, ຄະນະຄຸ້ມຄອງ ແລະ ງົບປະມານໄດ້ຈັດວາລະປະຊຸມຮ່ວມກັບຄະນະກຳມະການຮ່ວມມືດ້ານເສດຖະກິດ - ເຕັກນິກ.
ໃນມື້ເຮັດວຽກສຸດທ້າຍ, 2 ກຸ່ມຄູ່ຮ່ວມມືນະໂຍບາຍກ່ຽວກັບການຮັບປະກັນຄວາມປອດໄພດ້ານສະບຽງອາຫານ, ອາຊີບຫາປາ ແລະ ມະຫາສະມຸດ ຮັບຮອງເອົາບັນດາແຜນການປະຕິບັດງານປີ 2017…